點止要敲門？ 10項不可觸犯的酒店禁忌

撰文：東方新地、GOtrip｜圖片：《入住請敲門》截圖、新傳媒圖片

《入住請敲門2》有得睇 10項不可觸犯的酒店禁忌

《入住請敲門2》今日有得睇，猶記得去年莫竣名主持的《入住請敲門》，帶領觀眾闖入不同猛鬼熱點，佢喺節目中仲不時嚇到爆晒粗！其實一啲住酒店禁忌流傳已久，大家又知唔知道呢啲禁忌背後的真正原因？

1｜避免住酒店尾房

唔少人住酒店時，都會要求唔住每層樓最尾一間房，因為相信尾房位於走廊盡頭，走廊盡頭易聚陰氣，令住客總是周身不聚財。不過其實以客人角度去諗，要行到盡頭當然係唔方便啦！

2｜入房前要敲門

呢個相信有唔少朋友都會做，有道入酒店房前要先敲門或按門鈴，就係為了同房內「睇唔見的住客」打個招呼。進入房間前入去要側身，心中默念：「我只係暫住幾日，打攪晒！」以示尊重。簡單一句「通知」聲，求個安心，寧可信其有嘛！

3｜鞋子要放一正一反

據說「房客」會睇鞋頭方向去判斷人的位置，如果將鞋整齊地放在床邊，會引來佢哋好奇，靠近自己。所以唔少人住酒店睡覺時，鞋或拖鞋都要隨意亂擺，或者一正一反地擺放。

4｜房內勿開傘

不少人都會一「傘」傍身，尤其是女士們要防曬。但係隨身攜帶的雨傘，入房後唔應該不隨便打開，所謂遮陽就聚陰，一旦房內聚陰，很有可能會吸引「老友記」們來開派對！

5｜不要掛起衫褲

衣服無論是掛在牆邊還是衣櫃裡，都很容易引來「老友記」試身。如果唔想半夜看到有東西飄來飄去，最好將衣服摺好平放。

6｜長期開燈

「老友記」總會趁黑出沒，所以除了一入房要開燈之外，即使是睡覺，最好也要開著洗手間的燈或者夜燈，盡量保持房間的陽氣。

7｜切忌半夜影相、剪指甲

半夜切忌在電梯和房間裡自拍，尤其不要用牆上的掛畫做背景，以免不小心有「老友記」攝鏡。另外亦有說半夜不宜剪指甲，因為剪指甲會裁走陽氣云云。雖然坊間有不同的說法，但總結一句就是不要以身犯險！

8｜浴缸不要儲水

據說水面和鏡子一樣，都是「老友記」出入的重要媒介，所以浴缸最好不要儲水過夜，浸浴後立刻將水放走就好。

9｜唔好有「吉床」

如果單人入住有兩張床的房間，忌選靠牆的一張床，而且記得要將另一張「吉床」整亂，或是擺放一啲個人衣物，通知「老友記」另一張床都有人用。

10｜《聖經》打開即換房

酒店房間中有聖經或可蘭經等宗教書藉並非特別之事，但如果房中有本呈現翻開狀態的《聖經》，即代表住房間曾經有事發生，而該頁經文對驅魔、鎮壓靈體有用。酒店業習慣在曾經出事的房間翻開《聖經》來鎮壓「老友記」，所以不排除酒店一早知道房間有古怪，勸你最好立即換房！