鬼剃頭

壓力大先會出現「鬼剃頭」?研究指:「脫髮可能是因為缺乏維他命D」

生活

廣告

正所謂「有頭髮邊個想做幟哥」,無論你是男是女,總不希望遇到脫髮或禿頭問題吧!「鬼剃頭」一直以來都被認為是由壓力所造成,好似藝人鄭秀文、高海寧都先後患上「鬼剃頭」,然而台灣有研究發現,除了壓力之外,原來缺乏維他命D的人,比起普通人更容易患上「鬼剃頭」,因此推測維他命D或許也是引發「鬼剃頭」的主要原因⋯

編輯:東方新地 │原文:東方新地、新Monday|圖片:新傳媒、高海寧IG高海寧facebook

無綫咪神、34D高海寧(高Ling)拍劇出騷經常性感上陣,搏到盡搵錢嘅佢係前年成功「上車」,以逾五百萬買入油塘一個私人屋苑中層兩房的單位做業主,之不過拍劇要捱夜日夜顛倒,而且每月供樓兩萬蚊,未計地租、管理費、差餉同家用好多支出,加埋高Ling想再儲多一筆首期買多一層樓放租,壓力大,身體曾經一度響起警號,原來就喺佢接拍《BB來了》時,驚現兩個五蚊銀咁大嘅鬼剃頭⋯⋯

《BB來了》高海寧演型格調酒師

性感女神高海寧(高Ling),無綫劇《BB來了》廣受觀眾歡迎,劇情溫馨又貼地,除了主角李佳芯(Ali)最搶鏡外,高海寧喺劇中一頭短髮造型,演一位多作中性型格打扮的調酒師,其實都同樣吸睛呢!

為拍劇學調酒

高Ling在劇中係調酒師,有不少調酒嘅場面,為此,佢拍《BB來了》前曾經抽時間跟調酒師學調酒,難怪在劇中調得似模似樣啦!

驚現鬼剃頭

《BB來了》在去年11月初開拍,而高Ling去年10月底在IG上載咗一張用手揭起後尾枕頭髮嘅相片,見到佢頭皮出現一個大約五蚊銀咁大嘅「空洞」,高Ling就留言:「當身體已向你發出警報…要怎樣學習放鬆。」呢個就係俗稱「鬼剃頭」的斑禿嘅情況,好多網民都叫佢好好保重同休息,甚至提供治療方法。

⚠️當身體已向你發出警報… #要怎樣學習放鬆

A post shared by Ko Ling 高海寧 (@sammkoling) on

原來非首次「鬼剃頭」

高Ling當時接受訪問話嗰排都覺得身體有啲唔舒服,成日出手汗。而佢6年前都試過出現「鬼剃頭」,那是第二次出現,所以都唔太驚:「後尾枕有兩個地方有五蚊銀咁大嘅位置甩頭髮,睇咗醫生話我壓力大,叫我放鬆心情,今次冇理,反正身體好番就會生番頭髮。」佢仲話媽媽、爸爸知道後即刻停工陪佢,又煮飯畀我食,仲話只可以為個女做呢啲,令高Ling好感動。

鄭秀文也患過鬼剃頭

鄭秀文( Sammi)05年出席威尼斯影展期間被拍得右邊後腦出現鬼剃頭現象後,之後她飛抵釜山出席影展時再被發現左邊後腦也驚見鬼剃頭,嚴重脫髮致頭皮外露,健康情況實在令人擔憂,但她不願就此事回應。

脫髮可能是因為缺乏維他命D

根據《美國皮膚病學會期刊》刊登的研究,「鬼剃頭」的出現原因或非只由壓力引起,研究收集了國際11篇關於禿頭與維他命D關係的研究並加以分析,發現禿頭患者體內維他命D濃度比起一般人為低,推算出缺乏維他命D的人,比起普通人出現「鬼剃頭」的機率高4.86倍。

研究指出維他命D可抑制部分自體免疫反應,所以在缺乏維他命D抑制下,免疫反應可能會大幅增強,或會提升多種自體免疫疾病發生的風險,譬如類風濕性關節炎、一型糖尿病等,亦有機會引發癌症、心血管疾病,而「鬼剃頭」亦是因自體免疫系統過度反應的其中一種,當中免疫系統可能會攻擊頭皮毛囊引致頭髮掉落,造成禿頭。

研究建議吸取維他命D防脫髮

至於「鬼剃頭」能否靠維他命D來作治療手段,醫學界暫時未有定論,但是研究亦鼓勵所有人應攝取足夠的維他命D,最簡單攝取維他命D的方法就是曬太陽,受15至20分鐘的陽光照射,能夠令身體自行生成足夠份量的維他命D。或者可以透過食物來吸收維他命D,如三文魚、鰻魚、蛋黃等。而食物中的維他命D則需要配合油份,才能夠讓身體吸收,建議利用油煎方式烹煮這些食物。