古天樂

〈今期流行〉本尊古天樂孖容祖兒拍新MV 畀學生妹圍住現身!

最新娛聞

廣告

古天樂本尊現身啦!天后容祖兒近期為百老滙電器拍嘅新廣告,竟然邀得古仔喺網上別注版〈幾時都流行〉MV同時登場!新歌改編自古仔首經典金曲〈今期流行〉,MV入面更有唔少網紅演出,同埋著哂校服、大跳經典「拜神舞」嘅港日女Dancers!

撰文:東方新地 |圖片:Instagram、YouTube、MV截圖

致敬古天樂〈今期流行〉

廣告入面,祖兒身穿紅色運動服、戴上金絲眼鏡,扮演日本高校老師嘅角色,仲夥拍一班學生妹打扮嘅港日女Dancers大跳「幾時都流行」。新歌就用咗〈今期流行〉部分旋律,而歌詞同舞步都係根據〈今期流行〉嚟二次創作。最驚喜嘅當然係MV中段,古天樂型爆咁畀一班學生妹圍住登場啦!

古天樂齋企 拍住手畀女圍

女Dancers換上另一套復古風露腰服裝,喺個Disco舞池度繼續圍住古天樂大跳特跳,戴住黑超嘅古天樂就咁拍住手齋企都已經Chok爆啊!雖然小編都係想聽佢開金口多啲⋯⋯

成班學生妹合唱〈今期流行〉改編版,喺古仔面前大跳向〈今期流行〉致敬嘅經典舞步!

天后祖兒當然都要跳番Part,展下身手啦!

MV其實係由柳俊江做製作人同導演,仲有香港嘅網紅Toyz同屎萊姆客串,個班底都真係幾豐富!

除咗柳俊江之外,古仔亦有喺自己嘅Instagram到上傳短片,留言都話自己知道大家期待已久!大家嘅訴求古仔你知啦,幾時出新歌啊?!

大家一齊嚟睇下個新MV啦!

當然要回味返原本首經典啦!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!