旺角

旺角大媽死忠亂入《東張西望》 阿伯怒叫:我地係求開心!

熱話

廣告

早於今年5月24日,油尖旺區議會在15票支持、1票反對、1票棄權下,大比數通過殺街,令設立了18年的旺角行人專用區將於明日壽終正寢。面對住旺角行人專用區殺街在即,唔少曾駐紮在旺角的表演者早已轉移陣地至尖沙咀海旁,場面非常熱鬧!大台節目《東張西望》更派主持到尖沙咀海旁現場訪問市民,點知被阿伯亂入!?

原文:環球膠報|圖片:電視截圖

旺角大媽死忠亂入《東張西望》

影片所見《東張西望》主持正在訪問呢名藍色衫的市民,點知…

當受訪者一講「有啲嘈」之後,一名阿伯突然大叫「緊係唔嘈啦!」

嚇到個藍色衫受訪者「囧」樣都出埋黎!

藍色衫受訪者仲要俾個阿伯指住黎鬧「你…你..要講!緊係唔嘈啦!」

因為事發突然,Camman開頭都黎唔切反應!之後,鏡頭一轉,終於見到阿伯盧山真面目!

阿伯表示:我地係求開心!

再三表示:我地係求開心,唔係嘈!!!!

霸氣湧現,嚇到主持同受訪者「雞噉腳」走開去!

於是,節目單位就決定去開少少,並表示:既然嫌我地阻住佢地開心,我地唯有行開少少繼續訪問。

呢位少女,你實在太年輕了!說時遲,那時快,個阿伯又亂入!

經過主持人四處查問,先知原來呢位阿伯係….

原來阿伯係旺角殺街中,其中一名轉移陣地的大媽表演者的死忠粉絲,唔怪得「老馬」都有火啦,你地竟然話人地「嘈」!

節目訪問因為呢位暴走阿伯而終止,只見暴走阿伯指手劃腳咁,似乎興過火屎喎!

好彩疑似係大媽系表演者(拎住粉紅色電話),用一杯雪糕就搞掂暴走阿伯啫!大家睇,阿伯幾冷靜~

東張西望 之 阿伯亂入?!

Posted by O咀新聞台 on Monday, 30 July 2018

 

關鍵詞
旺角