陳山聰

捱足五年成功洗底 陳山聰 繼續潮

當年同超雲拍拖時出入極高調衣著極浮誇,如今陳山聰捱足五年成功洗底,打扮極低調,不過全身黑背後依然不失潮山聰本色。

撰文:東方新地|圖片:新傳媒圖片庫、陳山聰IG

陳山聰 升呢做男一

經歷過高攀何家千金超雲一役失敗、慘被飛又一鋪清袋輸埋演藝形象後,陳山聰回歸電視台、跑步減肥,專心拍劇又再回歸平淡搵到個門當戶對好女友Apple,捱足五年,陳山聰終於成功洗底,第一次做到男一有得擔正新劇《金宵大廈》,仲話要勤力儲錢出年娶Apple過門咁話。

陳山聰

五年前身型曝脹、穿著浮洿,日日不事生產遊山玩水,五年後再喺街頭見到陳山聰絕對係另一番景象,雖然都係襯到足一身潮服,不過黑色帽黑色T黑色袋又黑色鞋,不知幾低調。去完中完辦完事,都係買個面包醫肚好慳儉,真係講到又做到,儲緊錢結婚喎!