趁梁浸浸唔喺身邊 鄭希怡 性感大解放！
撰文：東方新地｜圖片：新傳媒圖片庫、鄭希怡IG
鄭希怡 分享老公視角
Yumiko今次同老公享受二人世界，先後去咗意大利同希臘，景色靚就唔在講，Yumiko仲一連換上多套靚靚戰衣，十足fashion show！
雖然好掛住屋企個👧🏻，但是二人世界也是必須的😎
Yumiko Cheng 鄭希怡 瓊姐🔫（@yumiko.cheng）分享的貼文 於 張貼
好鍾意呢度，一個影相唔使用filter的地方🏠
Yumiko Cheng 鄭希怡 瓊姐🔫（@yumiko.cheng）分享的貼文 於 張貼
又一個新地方🏠 隨處望，隨處坐，隨處拍
Yumiko Cheng 鄭希怡 瓊姐🔫（@yumiko.cheng）分享的貼文 於 張貼
Beautiful place ☁️ #好似梦中的情景
Yumiko Cheng 鄭希怡 瓊姐🔫（@yumiko.cheng）分享的貼文 於 張貼
話明二人世界，今次旅行當然只有Yumiko同老公梁學儲同行，所以所有靚相都係由梁生操刀拍攝，Yumiko搞笑@老公：「我不停同佢講，你影相真係好靚，好有天份⋯ 所以，呃佢幫我影咗好多相 #男人是需要鼓勵的#我目的已達到」睇嚟Yumiko真係御夫有術！
我不停同佢講，你影相真係好靚，好有天份⋯ 所以，呃佢幫我影咗好多相😂 @ndnco #男人是需要鼓勵的 #我目的已達到🙂
Yumiko Cheng 鄭希怡 瓊姐🔫（@yumiko.cheng）分享的貼文 於 張貼
浪漫小島半裸大露背
其中梁生po嘅一段片仲見到Yumiko上身赤裸背對鏡頭，之後又換上兩件頭泳衣，不停high爆自轉，並tag上地點「santorini」，即是希臘號稱最浪漫的聖托里尼小島。
🎼🎼🎼🎼🎼🎼🎼. #santorini
this Is Andy 梁學儲（@ndnco）分享的貼文 於 張貼
另外Yumiko又著上兩件頭泳衣，大晒事業線同長腿。
「要湊小朋友好少著呢d」
換上晚裝後，Yumiko更留言講出眾多媽媽嘅心聲：「唔使湊女的日子 #要湊小朋友好少會著呢d#可能會扯斷條帶#可能會揭起條裙#可能會加一pat茄汁係上面#可能會⋯#100種可能#媽媽們會明」
唔使湊女的日子👗 #要湊小朋友好少會著呢d #可能會扯斷條帶 #可能會揭起條裙 #可能會加一pat茄汁係上面 #可能會⋯ #100種可能 #媽媽們會明
Yumiko Cheng 鄭希怡 瓊姐🔫（@yumiko.cheng）分享的貼文 於 張貼
鄭希怡囡囡萌爆食乳酪 表情豐富展露戲劇細胞
鄭希怡（Yumiko）同老公梁學儲嘅囡囡梁子柔（梁浸浸）唔單止性格活潑好動，而且佢仲表情多多，深得唔少人的歡心。早前梁學儲就分享了浸浸食乳酪的短片上網，點知食第一啖，浸浸的古靈精怪樣又出現，認真萌爆！
片中見到浸浸只食一啖乳酪，就已經表情多多，又眼仔睩睩，一睇個反應就知浸浸幾鐘意食乳酪，差啲以為佢第一次初嘗乳酪。
睇到個囡咁鍾意食乳酪，就連老竇梁學儲都要留言話：「當肥妹妹遇上乳酪」，認真搞笑。而且，唔少網友大讚浸浸萌到爆之外，仲浸浸可以考慮去做童星，皆因佢人仔細細就已經表情多多，演技100分咁話！
鄭希怡同囡囡餅印一樣
另外Yumiko仲上載自己細個時的童年照上網，相中見到佢個樣同而家囡囡個樣好似樣，個個網友睇完都話兩母女成個餅印一樣！
鄭希怡 帶女探討歷史
Yumiko之前帶3歲囡囡梁浸浸遊北京，兩母女一齊登上長城，Yumiko仲留言：「呢度就係長城啦，係咪好長？ #歷史探討日 #雖然妳依家未必明 #但點都要知 #呢度真係好靚 #雖然要行好多樓梯 #但值得」要行咁多級樓梯上去，難怪梁浸浸要反晒白眼擺甫啦！
呢度就係長城啦，係咪好長？ #歷史探討日 #雖然妳依家未必明 #但點都要知 #呢度真係好靚 #雖然要行好多樓梯 #但值得
Yumiko Cheng 鄭希怡 瓊姐🔫（@yumiko.cheng）分享的貼文 於張貼
有網民好眼利，留意到梁浸浸手上揸住一大塊葉，Yumiko笑答：「好有用，上山揸到落山！」
坐纜車遠睇長城，梁浸浸話「好似火車」！
Yumiko仲帶梁浸浸去食北京烤鴨，梁浸浸食到笑晒口，好滋味！
