森美旅行團2

【森美旅行團2】森美首集單拖主持好沉悶? 網民:杜如風冇佢做得咁悶!

一連十集嘅《森美旅行團2》繼續由森美帶隊,聯同隊友麥美恩(Mayanne)、吳若希、丁子朗(Karl)去到港人最愛嘅京都、和歌山及岡山食玩買。

昨晚節目首播,第一集先由森美一個人主持節目,帶觀眾遊走京都特色食店及市集,不過節目播出後,有網民指成晚睇住森美介紹一個又一個用雞蛋煮成的食物,不停地睇佢食蛋,而且相比起同樣單拖做旅遊節目主持的杜如風,森美似乎沉悶得多咁話!