森美旅行團2

【森美旅行團2】孖森美全裸浸溫泉 丁子朗 自爆全身硬晒

wp
一連十集嘅《森美旅行團2》昨晚首播,今次繼續由森美帶隊,聯同隊友麥美恩(Mayanne)、吳若希、丁子朗(Karl)去到港人最愛嘅京都、和歌山及岡山食玩買。今晚播出嘅一集,玩埋終極全裸,丁子朗同森美去浸溫泉同電氣風呂時,入鄉隨俗全裸上陣,兩男肉帛相見,就連森美都忍唔住大讚丁子朗超fit,但丁子朗自爆入浴時全身硬晒⋯⋯

撰文:東方新地 |圖片:TVB、《森美旅行團2》截圖

《森美旅行團2》 叮走 黃心穎 高海寧

上年播出的《森美旅行團》大受歡迎,大台食髓知味即開拍一連十集嘅《森美旅行團2》,今次繼續由森美帶隊,但就叮唗黃心穎同高海寧,舊團友麥美恩(Mayanne)有得留低,換上吳若希、丁子朗,齊齊帶大家去日本京都、和歌山及岡山食玩買。

杜如風 驚喜現身

第一集先由森美一個人主持節目,節目一開始,森美喺小巴上做領隊,佢話個個掛住購物,忽略日本最靚嘅風景!此時,杜如風驚喜現身,話「shopping點可以唔找我杜如風」,然後有男團友話:「森美大哥,我撐你」,各有捧場客咁話!

網友嫌首集有悶場?

帶觀眾遊走京都特色食店及市集,節目播出後,有網民指成晚睇住森美介紹一個又一個用雞蛋煮成的食物,不停地睇佢表演食雞蛋,而且,也有網友話相比起同樣單拖做旅遊節目主持的杜如風,森美似乎較沉悶咁話!之不過,也有唔少網友力撐森美嘅介紹貼地又實用,仲話一啲唔覺得佢悶!

想睇第一集內容,即Click呢度:【森美旅行團2】森美首集單拖主持好沉悶? 網民:杜如風冇佢做得咁悶!

不過,森美單拖主持都首集出現,喺今晚播出嘅呢集,其他三位主持吳若希、丁子朗同都會加入,今晚森美和丁子朗介紹京都電氣風呂,包括「衣笠溫泉電氣風呂及「山城溫泉電氣風呂,入浴時,丁子朗自爆因為受到電流影響,搞到全身都硬晒,更被森美笑佢血氣方剛。

全裸浸溫泉,重要部分「打格仔」處理,丁子朗自爆浸在帶有電流的溫泉時全身「硬晒」。

 

去到日本冇浸溫泉,又點叫去過日本呀!嚟緊Mayanne同吳若希都會帶大家去浸溫泉,若希媽媽包住毛巾真空上陣浸溫泉,好性感喎!

和歌山篇 玩激流木筏

四位團友仲會去和歌山體驗「激流木筏」,木筏師以具有600年歷史的、勇猛嫻熟的划槳技術,從北山川的急流上衝下來,非常刺激!