朱晨麗躍升「女一」多是非 16歲蘇州選美「娘樣」再曝光
撰文：東方新地｜圖片：劇照
朱晨麗不甘做「花瓶」2003年參加蘇州《水鄉儷人比賽》選美
朱晨麗首套擔正女一的劇集係《特技人》，都聽得出佢廣東話明顯有進步，演技亦比從前更成熟，「May豬」角色設定討好，加上朱晨麗本身就係個索女，觀眾們都幾受落！其後2020年《多功能老婆》、《大醬園》及《法證先鋒IV》劇駁劇，到底能否洗脫「新來港港姐」的印象？
《特技人》激罕晒水着跳彈床
早前拍攝《特技人》，講到朱晨麗為傅嘉莉做替身拍廣告，要著上運動型泳衣打沙灘排球，朱晨麗話佢選完港姐之後已經好少着泳裝，所以好擔心觀眾嘅反應：「呢場戲講我做替身，着住沙灘排球衫拍飲品廣告，係戲中戲，同時我要做高難度動作，喺彈床度跳來跳去，拍嘅時候係夏天，好曬，拍完真係成身散晒！」
好驚走光
朱晨麗又話自己為咗呢場戲花咗幾個月時間狂keep fit：「做健身，瑜珈同舉啞鈴，全部都做，希望出嚟線條靚啲，因為套衫真係好少布，上下身都唔可以打底，比起港姐時更性感，好尷尬，跳時真係好驚走光，又要做前空翻，當時又多臨時演員，埋位時冇得遮，只可以頂硬上！」
朱晨麗派福利 去峇里晒泳衣照
朱晨麗早前去峇里島旅遊，激罕晒泳裝照益網民！並留言：「用微笑面對每一天！來，深呼吸放鬆一下吧」相中朱晨麗一襲黑色泳衣，微微地側身，單手撥髮甫士，豐滿上圍和纖腰表露無遺…
見網民們反應好，朱晨麗再貼多幾張不同甫士的泳照，再留言話：「送多張畀努力奮鬥的你」真係識做！
貼到第四張，佢留言：「霸住你地嘅屏幕唔好意思，保證係最後一張了」其實大家唔怕多相喎…
「翻版陳法拉」港姐冠軍
現年32歲的朱晨麗，出生於江蘇蘇州，16歲時獲香港演藝學院邀請赴港就讀舞蹈藝術系，主修芭蕾舞。至2011年朱晨麗參選港姐，比賽前獲封為「翻版陳法拉」而成為大熱，比賽期間奪得「最受歡迎大獎」、「歡樂大使獎」及「時尚目光大獎」等多個獎項，最後成功奪冠。
朱晨麗 16歲選美娘樣再曝光
當年港姐奪冠後，朱晨麗被爆曾報名參加「2006亞洲小姐網絡賽」，以及03年在蘇州舉行的「第三屆水鄉儷人比賽」，當時朱晨麗仲因為未有向TVB申報，事後在慶功活動上連番道歉。網上更流傳出疑是朱晨麗當年參加「水鄉儷人」的照片，大家睇睇……
