莊端兒

武漢肺炎肆虐 35E莊端兒大派福利 呼籲網民戴罩

正妹
眾所周知,藝人兼主播莊端兒(Xenia)最吸引巴打眼球嘅就係佢35E「迫爆北半球」,有料唔怕露嘅佢亦好大方,無論係工作定私人時間,佢都會大騷噴血上圍!近日武漢肺炎肆虐,莊端兒在網上呼籲網民出入要戴口罩之餘,仍不忘大派福利。

撰文:東方新地|圖片:新傳媒圖片、Instagram

35E莊端兒 大派福利J圖呼籲戴罩

近日染了一頭紫髮的莊端兒,見到近期武漢肺炎在香港日漸擴散,深得一眾巴打歡心的Xenia自新年起在IG不時發戴口罩的自拍照,呼籲網民出入要戴口罩、勤洗手,性感的照片得到巴打的支持,甚至有人會叫佢小心身體、唔好凍親。

莊端兒, 口罩
莊端兒早前在吉隆波回港時更穿著白色薄T-shirt、在飛機上除口罩自拍。

 

愛Po性感相 莊端兒唔介意做阿May

35E主播莊端兒早前更在網上大曬多張性感泳衣照,當中有白色超Deep V一件頭泳衣,Xenia在網上話:「莊端兒只有一個,而且好瘦好靚好可愛,一啲都唔肥,我愛你哋唔好認錯啦。」老老實實,唔認得佢個樣,都認得個胸啦!而網民就大讚佢由頭靚到腳,仲話:「仲唔係夾死蟻!」

武漢肺炎肆虐 35E莊端兒大派福利 呼籲網民戴罩

 

武漢肺炎肆虐 35E莊端兒大派福利 呼籲網民戴罩

莊端兒仲話佢喺2016年自資出2000本相集,目前還剩300多本,佢話願意捐出300本,把所有收益不扣除成本,全數捐贈有需要的朋友,希望幫助更多朋友,佢仲話有需要的話,可以請留下善心人上款,每本相集會附上親筆簽名及祝福語。

武漢肺炎肆虐 35E莊端兒大派福利 呼籲網民戴罩

View this post on Instagram

🙏🏻🙏🏻🙏🏻 2016年端兒自資出相集2000本 現在還剩300多本 我願意捐出300本 並且把所有收益不扣除成本 全數捐贈有需要的朋友 讓愛蔓延希望幫助更多朋友 潘朵拉盒子打開後仍然有希望 希望大家保持身體健康💪🏻 勤做運動互愛互助🙏🏻❤️ 我愛你們❤️ P.S 可以留名隨心購買反正我是捐出去的 (我會先聯絡可信任機構或人士才會正式捐相集) (處理好會再通知大家,謝謝各位善心朋友🙏🏻❤️) (請在comment 留名要相集 會有同事跟進聯絡) (隨心捐助 郵費自付🙏🏻) (請留下善心人上款每本會附上親筆簽名及祝福語) #asshewasborn #loveisintheair #love #xeniachong #2019 #hkig #hkiger #hkartist #follow4follow #like4like #followme #莊端兒 #境隨心轉念從心生

A post shared by 莊端兒XeniaChong (@xeniachong) on

 

莊端兒係個有料之人就係人都知,人人叫佢Double May,但都唔介意,仲笑指自細就俾人叫阿May,因為我喺屋企排第尾。另外,亦唔介意網民由「心口」開始認識佢,因為有人識好過冇人識喎!不過佢都強調,佢除咗有巨胸,仲有靚腳同靚背!

 

莊端兒轉型做老闆 感謝老闆杜汶澤賞識

現年39歲嘅莊端兒幾年前推出首本寫真集《As She Was Born》,其後一直活躍娛樂圈,亦有轉型做老闆投資6位數字開Café。依家佢除咗拍攝杜汶澤網上節目外,亦有參加電影拍攝工作。雖然佢曾經諗過退出娛樂圈,不過莊端兒話要多謝阿澤肯俾機會佢參與節目演出,認為合作都係緣份,仲笑指自己嘅外表應該係阿澤睇中嘅其中一個原因!

 

 

莊端兒係個高材生?

除咗外表,唔講大家可能唔知,其實莊端兒擁有澳洲墨爾本大學經濟學學士學位,據知墨爾本大學嘅經濟學系喺亞太區係僅次於新加坡國立大學,喺澳洲裏面亦首屈一指。換言之,佢原來係個高材生!值得一提嘅係原來莊端兒係2013年香港珠寶小姐季軍及最親善小姐,喺香港珠寶業界嚟講都幾威水!

成為第三屆珠寶小姐 莊端兒出席新聞發佈會

莊端兒去年出席於尖沙咀舉行的《第三屆香港珠寶業傑出成就獎》新聞發佈會,身為第三屆珠寶小姐嘅莊端兒未入行前喺珠寶公司擔任銷售及市場推廣,因此對珠寶有一定的認識。她表示自己好鍾意鑽石,以前讀書時已經叫媽咪買,但直至大個出嚟工作就自己儲錢買。女仔鍾意啲閃閃令嘅鑽石都係人之常情,而莊端兒就續指有意修讀珠寶鑽石課程,但依家忙於做網台主播工作,所以無暇讀書,但如果有好酬勞嘅內衣或泳衣show,都唔排除會接呢類型嘅工作。

莊端兒
莊端兒更自揭自己曾用幾個月時間去儲錢,買一對價值5萬蚊嘅耳環。

自爆曾被邀出席富豪飯局

有任職舞台劇導演兼演員涉嫌猥褻未成年少女被警方拘捕,莊端兒則表示自己有娛圈朋友曾遇上財務紏紛,指有一名男子自稱喺一間大型娛樂公司工作,故可以為其友人解約,稱需要費用4萬,最後被識破原來係個騙局,結果去咗報警處理,但直至現時依然未拉到犯案人。莊端兒接受訪問時,坦言自己曾收到信息商討工作,不過其後對方借機要求出席飯局,更指如果食完餐飯後留低,就會有二百萬。佢直言聽到都驚,怕自己喺內地會冇咗個器官咁話喎!咁呢啲錢又真係唔賺好過賺嘅!

武漢肺炎肆虐 35E莊端兒大派福利 呼籲網民戴罩

莊端兒
莊端兒大爆有人曾經以工作為由,借機出價邀請出席內地飯局,醒目嘅佢就梗係唔會上當啦!

莊端兒回應同貝依霖爭寵傳聞

杜汶澤耐唔耐就為自己嘅網台甚至自己聘請有樣有身材的員工,除咗24歲貝依霖,之前仲請莊端兒。杜汶澤同莊端兒做自家網台節目,以貼地抵死的方法報道香港每周發生大事,節目中又點少得莊端兒騷身材,不過佢身材太好,雙峰巨到差啲要靠張主播枱支撐著。莊端兒喺節目中一句:「或者係窮呢!DLGH!」同埋講解「飲龍血」,成功令到網民注意!

武漢肺炎肆虐 35E莊端兒大派福利 呼籲網民戴罩

 

武漢肺炎肆虐 35E莊端兒大派福利 呼籲網民戴罩

早前,佢接受傳媒訪問時,表示自己同阿澤合佢全屬機緣巧合,本來諗住見工做秘書,點知阿澤突然同佢講話當日搵唔到人,結果叫佢幫手錄節目,錄出嚟反應唔錯,結果就由秘書變咗做主播。 武漢肺炎肆虐 35E莊端兒大派福利 呼籲網民戴罩

回應爭寵傳聞

談到被傳跟另一主播貝依霖爭寵,莊端兒極力否認,並指大家負責嘅節目唔同,只在開台時僅見過一次面。

田蕊妮都鐘意佢

莊端兒嘅驕人身材令網民睇到嘩嘩聲,據知佢身邊朋友反應有讚有彈,讚嘅係估唔到佢可以搞笑,佢表示自己私下好鍾意講爛gag引人笑,但阿澤就想佢用較嚴肅嘅表情嚟錄,咁先顯到強烈反差喎!雖然阿澤請「Double May」番工都驚老婆田蕊妮唔鐘意,但實事求事嘅阿田都讚呢位「Double May」報新聞報得好!

去年阿澤網台嘅官方FB專頁宣佈莊端兒擔任主播!
去年阿澤網台嘅官方FB專頁宣佈莊端兒擔任主播!