黃翠如

爆蕭正楠拖婚內情 黃翠如發最後通牒

近年圈中結婚生仔潮未停過,隨住鄭嘉穎在峇里豪娶陳凱琳,外界都在猜誰是下一對幸福新人?呼聲最高的除了馬國明與黃心穎,還有蕭正楠與黃翠如。拍拖四年的「翠蕭戀」打風都打唔甩,去年已盛傳會旅行結婚,最後卻不了了之,36歲的黃翠如仲未有嫁期,全因41歲的蕭正楠有心拖婚,被傳媒多次追問婚訊的黃翠如只好以「雙方未曾傾過呢個話題」來回應。

其實遲遲唔求婚的蕭正楠用心良苦,想儲夠老婆本才娶「百億千金」黃翠如入門,但始終女人青春有限,邊個唔想搵到Mr. Right就嫁?上周六 (18日),黃翠如上蕭正楠主持的《美女廚房》做嘉賓,被男友踩完全唔識煮嘢食的她,竟煮出令人讚不絕口的魚粥,眾主持起哄叫蕭正楠拎出求婚戒指即場求婚,又叫二人去紅棉道註冊,蕭正楠表現尷尬,而黃翠如則委屈流淚。性格率直玩起來癲喪的黃翠如,口講唔急嫁,其實已發最後通牒畀蕭正楠,誓必一年內成為人妻,蕭正楠唔想錯過就要快行動喇!