張繼聰

張繼聰考囡囡點叫老竇 萌爆張靖超醒目回答!

張繼聰呢家人耐不耐就會喺個人社交網上載相片或短片,分享生活點滴嘅同時,兩公婆亦愛互相留言「窒」對方,以打情罵俏嘅方式曲線放閃!日前,張繼聰就上載一段囡囡張靖(KaKaBall)可愛日常短片,今次就反被精靈嘅呀女引發笑蛋,爆出老竇日常!

撰文:東方新地|圖片:Instagram

張繼聰考囡囡點叫老竇

張繼聰一家四口幸福滿瀉就人人都知,昨晚張繼聰就上載一段不斷問囡囡「動物點叫」嘅對答短片喺個人社交網,片中開首老竇就起勢咁問囡囡KaKaBall狗、貓、鴨、牛、雞、羊呢啲動物點叫,而呀囡亦非常有耐性咁續一回答「谷谷」、「咩咩」嘅叫聲,非常萌爆!

問到鴨仔點叫時,KaKaBall仲勁叻叻豬咁拎起隻膠鴨仔畀老竇睇,真係醒目呀!