古巨基

周慧敏是「皇后」的偶像!「五阿哥」古巨基 重遇「知畫」秦嵐

最新娛聞

廣告

內地清宮劇《延禧攻略》在港熱播,劇中多名演員爆紅,「富察皇后」秦嵐挾《延禧》的氣勢獲化妝品牌邀請到港任活動嘉賓, 37歲的秦嵐是次獲達百萬元酬勞,加上順道見見「五阿哥」古巨基,二人敍舊一番,仲齊齊開Live見粉絲,難怪她此行全程笑得好燦爛!

 

撰文:東方新地│ 圖片:新傳媒圖片、秦嵐微博古巨基FB

秦嵐出巡 晒白滑美腿

秦嵐昨午從北京飛抵香港,由女助手陪同步出閘口,品牌安排多名保安接機,戴黑超嘅秦嵐表現友善,應記者要求停步拍照。

雖然保安重重包圍,但秦嵐也邊行邊接受記者簡短訪問,之後她上七人車直駛紅磡下塌的酒店休息!

晚上秦嵐再出動到尖沙嘴廣東道的時裝名店,為應邀出席的活動試衫。

秦嵐話上次來港已是年多前的事,對香港印象好好,也喜歡地道美食,她又透露參演的內地劇《外八行》已煞科,隨後都是四處飛來飛去工作。

對於外界讚她皮膚保養得好,秦嵐大方分享心得,表示會每天敷面膜,平時喜歡做運動,都會控制飲食,少吃煎炸食物。

秦嵐此行除了吸金,也順道和老朋友敍舊,講緊嘅之唔係曾經同秦嵐喺2003年劇集《還珠格格3天上人間》合作過嘅歌手古巨基囉!基仔仲特登搵埋同樣係女神級嘅周慧敏一齊開Live,向秦嵐送上驚喜!

原來秦嵐一直都係周慧敏嘅fans,而Vivian亦表示專誠嚟一睹「皇后」嘅風采:「我身邊好多朋友都有睇你部戲,好鍾意你,所以我代表佢哋將香港嘅愛送畀你。」秦嵐見到偶像表現非常興奮!

周慧敏直呼感動

去到Live嘅尾聲,基仔仲叫秦嵐唱首周慧敏嘅歌,秦嵐怕怕醜醜咁喺偶像面前清唱《自作多情》嘅其中一句「不要自作多情去做夢」,秦嵐唱廣東歌清楚又好聽,搞到周慧敏直呼感動,二人仲嚟個深情擁抱!

有片睇:

《還珠格格3》演陳知畫

秦嵐在《還珠格格3》中曾飾演「知畫」,她接受內地媒體訪問時表示:「當年我拍《還珠格格3》(2003年首播),演的角色叫知畫,連自己也覺得她討厭,但當時對我來講是高攀,能演到就很慶幸了,但你會發現十幾年都洗不掉那個名字,現在居然很多人說,因為知畫討厭秦嵐,又因為富察愛上她,我很感動。」

03年2月,瓊瑤劇組赴京選角時,秦嵐從200多名候選人中脫穎而出,扮演《還珠格格3》中新增人物江南名媛陳知畫。瓊瑤曾經這樣形容秦嵐的美態:「秦嵐一滴淚,天上一顆星。」多年後,秦嵐演清宮劇演「富察皇后」比初出道時更美。

秦嵐 曾參加《舞動奇蹟》

37歲秦嵐在《延禧攻略》中飾演溫婉大方、賢良淑德嘅富察皇后。劇集有口碑及收視,令秦嵐人氣急升!

網民都大讚秦嵐係最溫柔嘅皇后,仲讚佢演活乾隆心目中嘅「白月光」。

秦嵐在《延禧攻略》以一支「洛神舞」艷驚四座,但佢就自嘲:「我是靠演技在跳舞的奇女子。」

仲搞笑配圖話自己髮型同卡通小豬Peppa Pig同款㖭!

原來佢最近參加咗一個跳舞比賽真人騷《新舞林大會》,喺節目上佢自白:「我以前演過的『綠萍』、『知畫』好像都會跳舞,但是這些都用了很多替身。」

秦嵐話希望喺節目上搵到好老師,幫助佢認真學習跳舞。

但喺節目後台佢一度哭崩,原來係因為壓力太大:「我想回家了,我覺得我坐這兒幹嘛?那麼多人都跳得那麼好,我為什麼要在裡面競演。」

秦嵐以往曾經喺劇集《還珠格格3》飾演擅長跳舞嘅「陳知畫」,又試過喺劇集《又見一簾幽夢》飾演芭蕾舞蹈家「汪綠萍」,巧合嘅係兩套都係由瓊瑤嘅小說改編,秦嵐喺劇中都係飾演一名富有心機嘅女配。

除咗劇集,秦嵐07年仲參加過另一跳舞比賽真人騷《舞動奇蹟》,當時佢同無綫藝人黃致豪(前名黃長興)組成一隊。

雖然秦嵐自爆唔識跳舞,但喺觀眾心目中秦嵐「舞技出眾」,仲紛紛表示希望佢可以重現「洛神舞」嘅風采!

同黃曉明拍拖4年

唔講唔知,原來秦嵐同黃曉明02年拍《還珠格格3》中撻著,之後再喺《龍票》中合作過,更被封為「新金童玉女」,但二人在06年分手收場,對於分手原因眾說紛紜,點都好,二人分已經分手多時,而且黃曉明都結咗婚娶咗Angelababy仲生咗囝囝,有個大好家庭。

皇后教保養心得

秦嵐在劇中擁有絕美的美貌和知性氣質,但唔講唔知她37歲,比真實年齡要年輕多!秦嵐曾表示她膚質偏乾,除了基本的面膜保養,上妝前會用保濕乳霜先按摩,睡前一樣用乳霜當晚安面膜。她常常多喝水、愛喝湯,會用燕麥加水果打成飲品喝,也盡量不吃炸物。

秦嵐身穿白色連身裙,散發清新柔美的氣息,宛如少女般甜美可人!

皇后認為減肥最重要的就是「堅持」,走路收肚子,坐著縮小腹,隨時隨地讓肚子有用到力,自然就會瘦小腹。

原來秦嵐先後同港星應采兒、方中信合作過,也成為了好友,!

除了用飲食控制體重,秦嵐仲熱愛跳健身舞keep fit,難怪身形咁靚!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!