【再創世紀】重演胡孟青直播落淚！李旻芳忍喊1分鐘獲網民激讚
撰文：東方新地 圖片：新傳媒圖片、TVB截圖、李旻芳IG、黃耀英IG
李旻芳 演技大爆發獲網民激讚
先講番入面該一集背景，喺09年3月9日匯豐控股由開市40.5元急跌至下午開市38元，競價時段最後半分鐘報37元，最後3秒，有300萬股沽盤以33元買入，最後以33元收市。當時正在為電視台主持《交易所直播室》直播節目的股評家胡孟青，嚇到揞然落淚，有關片段更被網民錄下，流傳至今。
而今次Lucy劇中重演被股價大跌而嚇到流淚這一幕，雖然只係演出一分鐘，但係Lucy眼紅紅忍淚報道，令股民勾番起呢段傷心嘅回憶，簡直係演技大爆發。
劇集播畢後，唔少網民留言讚好，仲有人話佢有演技但懷才不遇，Lucy都有睇網民留言，仲cap圖留言致謝：「琴（尋）晚第三集嘅再創世紀播出後，有好多人都話留意到我短短一分鐘嘅演出，好開心每次用心的演出你地（哋）都有留意得到。好開心你地（哋）都喜歡我每一次少少的演出。無論係咩角色，那怕鏡頭出來只有一兩秒嘅時間，每一次我都視為最後一次。每一次都放十倍的努力去演繹，為嘅就係希望得到你地（哋）嘅支持同肯定。咁我就心滿意足喇☺ >>swipe right for comments，而希望今次再創世紀入面重現返（番）2009年嘅股災⋯⋯⋯唔好喺現實生活中再重現⋯⋯港股你要加油啊」
大台冇乜畀機會佢演出，但就畀機會佢晒身材，除咗佢《東張西望》主持，仲安排佢拍攝旅遊節目《3日2夜》，其中一集著三點式浸Spa，fit到漏！
《全職沒女》床劇 疑似令對手「動L」
由陳松伶和張兆輝主演的《全職沒女》，第一集就已經有「賣點」，就是與李旻芳拍床劇的對手竟疑似「動L」！
劇情講述松松姐姐在婚禮上播出未婚夫偷食片，片中女主角就是李旻芳。李旻芳與松松姐姐未婚夫「阿龍」江榮暉搭上，在床上纏綿。有觀眾就發現江榮暉演在這場床戲中疑似有生理反應，唔通因為李旻芳太索所致？！
擁在34C火辣身材的李旻芳於劇集《火線下的江湖大佬》中飾演妓女「阿娟」，又係有啲香艷嘅！
其實佢都一直多做主持工作，好似之前嘅《生活100錯》，而《宮心計2深宮計》佢都有份演宮女，後宮佳麗眾多要突圍非易事！
其實佢平日打扮都算密實，只是偶爾才派福利！
其中《東張》巨胸黨成員之一主持李旻芳同嘉賓伍允龍介紹荔枝窩好去處，上船出發時，穿白色貼身背心及黑色貼身嘅李旻芳，於碼頭直奔落船！由於上圍激凸配合地心吸力，李旻芳上圍不斷左右搖晃，盪奶指數爆燈，令網民流晒鼻血！
採訪日本地震災區捱轟
2016日本熊本縣上周發生地震，無綫節目《東張西望》即派攝製隊到現場了解災情，攝製隊以「深入災情最嚴重地方報道」作招徠，到熊本縣南阿蘇村、益城町等重災區拍攝，進入震災區樓房及訪問災民。
在益城町拍攝的片段中，主持李旻芳表示，攝製隊到處尋購食物不得，超市被搶購一空、商戶亦未能提供外賣，後有一名日本女士得悉情況，為攝製隊送上飯團！
黃秋生 鬧爆《東張》攝製隊無腦
但由於在當地居民根本買唔到食物，而攝製隊反被災民送上飯團，被批評準備不足，增加災民負擔，引來網民批評， 更稱要向通訊事務管理局投訴該節目！
男友批准行性感
Lucy其實有個拍拖三年、同樣係做《東張西望》主持的男友黃耀英(Darren)，二人直言有結婚計劃，Darren透露兩人在無綫第26期藝員訓練班結下情緣，同期訓練班都係得我哋兩個係左撇子！
雖然Lucy「封盤」，但表明今後繼續行性感路線，Darren亦「開綠燈」支持女友：「因為香港電視台嘅尺度唔會太大，變相佢都唔會過分性感，我接受到！」
Darren早前到內地拍攝新劇《包青天再起風雲》，佢哋分隔兩地足足2個幾月，令Lucy心掛掛！Lucy坦言諗過去探班，點知畀男友狠狠拒絕，佢惟有等男友返港去機場接機，仲好有心思整晒歡迎牌，真係sweet！
將來還有什麼演唱會值得留意？
有不少歌手宣布舉辦演唱會，小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
