大叔的愛 黃德斌

大叔的愛|戰勝抑鬱演萌爆大叔有驚喜 58歲黃德斌幸得患難妻陪走低潮

最新娛聞

廣告

黃德斌在《大叔的愛》演的萌爆大叔,備受讚賞,離巢無綫的黃德斌事業再起飛,身邊有一個陪伴十多年太太,應該是人生最大福氣。黃德斌與同行十三年的圈外女友Joyce Wong (黃美恩) 18年在酒店註冊拉埋天窗,娶到陪自己走過人生高低起跌的賢內助。原來11年黃德斌因拍電視劇《心戰》,演出沉重的「心魔」角色,曾患抑鬱跌落情緒谷底,幸得女友扶持捱過難關。今日黃德斌憑《大叔的愛》人氣急升,黃太應該是他人生最大動力,功不可沒!

撰文:東方新地|圖片:新傳媒圖片、黃德斌微博

《大叔的愛》完美演繹反差萌

58歲黃德斌在《大叔的愛》外表正氣又man爆,對住心愛的田田(呂爵安飾)登時少女心大爆發,露出羞澀笑容及可愛的肢體動作,完美演繹反差萌﹗跟在無綫拍劇多年的黃德斌過去形象截然不同,難怪太太Joyce都話從未見過老公呢一面﹗

《大叔的愛》黃德斌愛上Edan呂爵安,為他向姞婚廿年太太簡慕華提出離婚﹗(圖片來源:《大叔的愛》截圖)
《大叔的愛》黃德斌愛上Edan呂爵安,為他向姞婚廿年太太簡慕華提出離婚﹗(圖片來源:《大叔的愛》截圖)

黃德斌拍劇致抑鬱

《大叔的愛》經常笑容滿臉的黃德斌,在現實中拍完電視劇《金枝慾孽》,事業剛開始有起色,之後連拍多部劇集《火舞黃沙》、《珠光寶氣》等都擔演重要角色,受觀眾關注,不過,11年他就因連拍兩部角色沉重的電視劇《天與地》及《心戰》,長期要徘徊情緒低位,令他一度抑鬱不能自拔,幸當時得當時女友Joyce陪伴支持才得以振作。

大叔的愛 黃德斌
黃德斌有份參演深度劇集《天與地》,劇中人物一生坎坷,為演出令他長期處於情緒低位。(圖片來源:《天與地》劇照)

據知情者透露:「嗰時佢啱啱拍完《天與地》,無耐又接到《心戰》嘅角色,為咗演陳豪嘅心魔『邪惡』,德斌抽離唔到,搞到跌落情緒谷底,當時佢都唔知自己有病,只係突然之間心情好低落,完全唔想見人,將自己收埋喺間屋度,冇晒鬥志,女友Joyce都對佢不離不棄,一路喺佢身邊鼓勵同支持佢,幫佢走出困局!所以德斌成日同人講,Joyce係最了解佢嘅人,如果冇咗佢,自己都未必可以捱到今時今日。」

大叔的愛 黃德斌
拍《心戰》演劇中人格分裂的陳豪內心的邪惡心魔,更因太投入而引發抑鬱。(圖片來源:東方新地)

右耳失聰

黃德斌當年因拍劇而搞到情緒病,過去人生有不少經歷,黃德斌自細家境清貧的他,早年更試過耳朵入水發炎,因延誤求醫而導致右耳失聰。據知情者透露:「中學畢業之後,佢做過一排跟車工人,嗰時每朝返工前,佢都會去游水,一次唔小心入咗水落耳仔度,就算唔舒服都冇錢睇私家醫生,去政府醫院排期要等一年半,點知有朝早佢瞓醒發現枕頭都係血,原來耳仔發炎流膿,佢阿媽嚇到即刻同佢去睇急症,醫生要佢即時入院開刀,不過最後都因為醫得太遲,依家佢右耳只剩番三成嘅聽力!」

大叔的愛 黃德斌
港產小品電影《逆流大叔》大獲好評,電影至今已衝破1,300萬票房佳績,對轉戰影壇的黃德斌來說可說是個好開始。(圖片來源:東方新地)

雖然人生多災多難,但黃德斌學會提醒自己要保持正能量,除了遺傳自母親的堅毅精神,亦多得女友的樂天性格影響。據知情者透露:「入行以嚟,佢遇過好多波折,捱咗咁多年,但佢從來冇諗過放棄,佢好有毅力,但豁達性格可以話係畀Joyce感染,Joyce份人好樂天,就連岳父岳母都好玩得,呢幾年德斌都開咗竅,好多嘢都唔再執著!」

大叔的愛 黃德斌
《逆流大叔》寫大叔奮鬥故事,因遇上公司裁員潮,一班大叔吳鎮宇、潘燦良、黃德斌等狂操扒龍舟出賽,戲中黃德斌更有跳海戲,他跳足17次拍水底場面,十分搏命。(圖片來源:《逆流大叔》劇照)

黃德斌 愛的宣言冧老婆

黃德斌離巢無綫後,接拍小品電影《逆流大叔》票房衝破1,300萬事業旗開得勝,同年與拍拖十三年的圈外女友黃美恩 (Joyce) 感情亦開花結果,在金鐘一間酒店舉行Cocktail Party註冊拉埋天窗。展開人生新一頁,黃德斌冇選擇大排筵席,只在酒店舉行簡單而隆重的婚宴,與一班至親好友慶祝人生大事,黃德斌愛的宣言亦簡單直接:「佢好了解我!婚前婚後大家都係互相欣賞,遷就,信任和尊重。」

大叔的愛 黃德斌
即使未有大排筵席,亦冇傳統接新娘儀式,但婚宴簡單得來卻好有愛,同至親好友慶祝的黃生黃太,全日表現興奮,切結婚蛋糕 一刻,平日內斂的黃德斌,亦開心到擘大個口笑,升呢做人夫的他幸福滿瀉!(圖片來源:Joyce社交網)
黃德斌
黃德斌夫婦未有著傳統禮服及婚紗行禮,不過在婚宴上兩公婆打扮卻襯到絕,以紅白藍情侶便服出席婚宴,兩人讀完誓詞簽完婚書,互為對方戴上結婚戒指一刻,表現感動。(圖片來源:Joyce社交網)
黃德斌
結婚戒指是卡地亞簡約款式。
黃德斌
雙方父母見證婚禮,黃德斌正式升呢成人夫。
黃德斌
跟女友同樣性格低調,黃德斌婚禮只以Cocktail Party形式招呼至親好友一齊慶祝,圈中好友戚其義、簡慕華、何啟南、徐榮及趙希洛等都有到場祝賀好友。
黃德斌
一直被指是監製戚其義愛將的黃德斌,在TVB時期拍過唔少對方大熱作品,大婚好日梗唔少得這位伯樂一齊慶祝。
黃德斌
註冊完畢,黃德斌招呼親友吃自助餐。
黃德斌
婚宴現場放有多張黃德斌同老婆早前拍的婚紗照,證明低調的黃德斌對一生人一次的人生大事其實相當細心,精心安排給太太留個最美回憶。

黃德斌夫婦湊B出巡

婚後黃德斌已火速復工,為《逆流大叔》謝票,新婚的他被問到可有努力造人,型佬黃德斌幽默表示:「唔話你知,呢啲咁私人嘅問題,得喇!總之我會保重身體!」不過婚前,黃德斌同女友的身邊就經常出現一個神秘B仔,兩人一得閒就孖住湊B,雖然黃德斌已經否認是B仔老竇,表示是幫朋友湊B,但湊住人哋個B都如同己出一樣細心,可見黃氏夫婦相當鍾意小朋友。日前,黃德斌又揸車「一家三口」去奧海城買玩具,只見黃德斌同老婆帶B仔去揀玩具車,更慈父上身陪B仔慢慢揀,揀完禮物,他又急不及待抱起B仔,邊行邊逗佢玩,父愛氾濫的黃德斌,生仔有心有力,相信好快會有好消息公布!

黃德斌
未有自己小朋友的黃德斌,之前兩公婆又湊住他口中的契仔「一家三口」出動,只見黃德斌細心抱住B仔,哎吔父子還襯到絕齊齊帶超,好有父子相。
黃德斌
帶住B仔去買玩具,兩公婆有商有量,不過都係任由B仔自己揀心頭愛,老婆Joyce仲踎低陪B仔一齊揀,細心同B仔逐樣講解。
黃德斌
黃德斌揸車載老婆同契仔去飲茶,只見他先緊張抱B仔上車安頓好,由老婆抱住B仔,自己才上司機位開車。
黃德斌
黃德斌揸車先去接岳母,再一行四人去酒店飲茶。

德斌接受傳媒訪問,被問到點解唔穿西裝婚紗出席,佢話影婚照已經着咗,同親戚朋友開Party食吓嘢所以得簡便啲,他又指老婆很了解其性格,婚前婚後都會互相欣賞、遷就、信任和尊重。

黃德斌
黃德斌對女友好專一,而且入行多年零緋聞,好難得!

對於經常被影到同女友拍拖湊BB,而且黃德斌肉緊狂啜B仔額頭,父愛氾濫,但他否認BB係佢嘅兒子,仲話係的話冇得唔認㗎!

戰勝抑鬱逆流而上 55歲黃德斌娶患難妻

黃德斌 約滿離巢外闖

入行30年的黃德斌先後效力無綫25年,一度在劇集《刀下留人》做男一,但近年已冇乜機會擔正,17約滿決定離巢外闖。據知近年德斌唔係客串就係做男配角,所以覺得係時候出去闖吓!

戰勝抑鬱逆流而上 55歲黃德斌娶患難妻

戰勝抑鬱逆流而上 55歲黃德斌娶患難妻
劇集《天與地》(圖片來源:東方新地)
戰勝抑鬱逆流而上 55歲黃德斌娶患難妻
(圖片來源《刀下留人》劇照)

拍拖13年

黃德斌和女友黃美恩 (Joyce)拍拖十三年,婚前對女友卻錫到燶,更打本畀女友在尖沙咀開名牌時裝店,不用開工二人亦秤不離砣。二人在假日不用工作的時間,經常拍拖踩單車,非常恩愛!

戰勝抑鬱逆流而上 55歲黃德斌娶患難妻

稱幫朋友湊

15年初,黃德斌被發現與女友之間多咗個「神秘B」,經常孖住湊仔。據知德斌話BB係佢朋友個仔,叫做稀稀,佢同女友都好錫個BB,女友仲成日湊埋個B返時裝店開工㖭!不用工作的日子,黃德斌將全副心機時間去湊仔,本月中,二人湊住B仔到尖沙咀一間平民餐廳開餐,入到去黃德斌先揀個隱蔽位置抱住B仔坐好,B仔忽然扭計扁晒嘴,德斌就緊張到即刻哄埋去狂啜B仔,氹到BB即時笑番。

15年底,黃德斌不時同女友湊住「神秘B 」去公園玩,當時B仔未夠1歲。
15年底,黃德斌不時同女友湊住「神秘B 」去公園玩,當時B仔未夠1歲。
雖然多次否認係B仔老竇,但黃德斌湊B手法純熟,同女友似足緊張父母,呢個畫面完全係一家三口幸福家庭樂!
雖然多次否認係B仔老竇,但黃德斌湊B手法純熟,同女友似足緊張父母,呢個畫面完全係一家三口幸福家庭樂!
黃德斌見B仔扭計,即刻哄頭埋去錫錫,完全一副慈父相!
黃德斌見B仔扭計,即刻哄頭埋去錫錫,完全一副慈父相!

「一家三口」出巡 肉緊錫手仔

吃了大約一小時埋單走人,黃德斌抱住B仔同女友行去附近攞車,路過報紙檔見到有玩具車賣,佢又即刻買畀B仔玩,期間黃德斌女友不時用手摸B仔面珠及撥他頭髮,更忽然冧爆捉住B仔手仔錫,雖然多次否認係BB老竇,更曾揚言同BB毫無關係,但當日所見,卻似足一家三口幸福家庭樂!

黃德斌對B仔溺愛有加,路過報紙檔又買了一架玩具車給他玩!
黃德斌對B仔溺愛有加,路過報紙檔又買了一架玩具車給他玩!

B仔不離手

雖自稱幫朋友湊B,但黃德斌就算同圈中好友戚其義、郭少芸的飯局,例牌一家三口列席,而女友為父母慶生都抱埋B仔,關係非常親密!

戰勝抑鬱逆流而上 55歲黃德斌娶患難妻

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!