佘詩曼

【延禧攻略】演奸角獲激讚 細數佘詩曼10套超經典古裝劇

最新娛聞

廣告

佘詩曼相隔13年再度回歸清裝劇在《延禧攻略》演嫻妃,觀眾激讚阿佘一開始由忠變奸,到表面善良內裡奸到出汁,令人睇到不寒而悚!

其實除咗《延禧攻略》之外,一向好戲嘅阿佘仲拍過唔少古裝劇,包括《金枝慾孽》、《宮心計》等,都成為劇迷心目中嘅經典之作!

撰文:東方新地|圖片:新傳媒圖片庫、劇照及截圖、佘詩曼微博

佘詩曼 相隔13年再演宮廷劇

今次是佘詩曼自2004年拍攝《金枝慾孽》後,相隔13年(《延禧攻略》於2017年拍攝)再次拍攝宮廷劇,因此令一眾劇迷十分期待同興奮!

歷史上嫻妃本是乾隆皇帝登基前的側福晉,後被封為嫻妃及嫻貴妃,由於端莊嫻淑深得皇太后歡心,所以孝賢皇后死後,皇太后勸乾隆改立嫻貴妃為皇后。

但在一次陪皇上南巡後,繼皇后忽然被遣返皇宮,繼而被下令收回手中四份冊寶,即皇后一份、皇貴妃一份、嫻貴妃一份、嫻妃一份,等同被廢,身邊更只准留下兩名宮女。

 

有傳繼皇后忽然被廢,是因在南巡期間精神失常,並犯禁剪下自己頭髮,因皇后只能在皇帝或皇太后駕崩後才能剪髮,繼皇后此舉有如詛咒皇上和皇太后,因而觸怒龍顏。

佘詩曼 10套經典古裝劇重溫

其實除咗《延禧攻略》之外,一向好戲嘅阿佘仲拍過唔少古裝劇,包括《金枝慾孽》、《宮心計》等,都成為劇迷心目中嘅經典之作!

1. 99年《雪山飛狐》

97年奪得港姐季軍後,佘詩曼在99年處女拍劇即擔正做女一,飾演由金庸武俠小說改編嘅《雪山飛狐》女主角苗若蘭,當年嘅青澀樣貌竟同近日佢飾演嘅廿幾歲嫻妃相差不遠。

2. 00年《碧血劍》

拍完《雪山飛狐》,翌年佘詩曼再演金庸名著《碧血劍》,飾演女主角阿九 (長平公主),與林家棟有感情線。

3. 01年《倚天屠龍記》

吳啟華版嘅《倚天屠龍記》,由佘詩曼飾演周芷若,黎姿演趙敏,原來兩人喺《金枝慾孽》前已演過情敵。

4. 03年《帝女花》

與陳豪、馬浚偉主嘅古裝劇,當年嘅佘詩曼仍有包包面,女二有郭羨妮。

5. 04年《金枝慾孽》

04年《金枝慾孽》可說係佘詩曼嘅代表作,亦成為宮鬥劇中嘅經典,當中佢飾演嘅爾淳為達目的機關算盡,最後卻同侍衛陳豪終成眷屬,happy ending。

6. 06年《覆雨翻雲》

同林峯主演黃易武俠小說改編電視劇《覆雨翻雲》,飾演慈航靜齋嘅秦夢瑤,打扮仙氣十足!

7. 06年《鳳凰四重奏》

《鳳凰四重奏》中佘詩曼一人分飾四角,憑精湛演技首奪最佳女主角獎,升呢視后

8. 07年《鐵咀銀牙》

飾演牙尖咀利女狀師,與陳小春及謝天華大玩三角戀。

9. 09年《宮心計》

劇中飾演「做好事、說好話、存好心」嘅「劉三好」,至今仍為觀眾所熟識,亦是其代表作之一。

10. 10年《公主嫁到》

《公主嫁到》係佘詩曼喺無綫最後一部古裝劇,劇中佢飾演氣勢凌厲嘅公主,同陳豪繼做一對鬥氣夫妻,大受好評!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!