女優

最喜愛日本女優選舉 明日花第6 三上悠亞得第3!

wp
日本成人動作片、日本女優,相信好多朋友都比小編更熟悉,然後大家聽得最多莫過於「你最鍾意邊個女優?」呢個問題真係可以有無限個答案!近日有日本雜誌讓讀者投票選出「最愛AV女優」,當中同Rose Ma拍廣告的明日花綺羅只係排第6,紅遍整個亞洲的小天后三上悠亞都係排第3!究竟頭兩位係何方神聖呢?

撰文:東方新地|圖片:Instagram

最喜愛日本女優選舉 明日花第6 三上悠亞得第3!

日本男士雜誌《Flash》早前從年齡介乎20至59歲、共102位讀者投票選出「最愛AV女優」,大家好熟悉的明日花綺羅都只係排第6!

第6位:明日花綺羅

明日花引退?

以35F火辣身材聞名的明日花綺羅,AV出道11年人氣依然不減,不過對上一部作品已經是上年5月的作品。本來大家以為她只是外務繁忙,想不到近日被粉絲發現其Twitter帳號簡介寫上「目前不拍AV了」(現在AVやってません )的字句。

明日花綺羅今年4月已退出「惠比壽麝香葡萄」兼卸任隊長,雖然經理人公司至今仍未宣布明日花會引退,但本人於Twitter 帳號上表態,形同引退,相信令不少人心碎滿地!

並列第4位:園田みおん

並列第4位:Rion

第3位:三上悠亞

第2位:紗倉真菜

第1位:「京香」Julia

Julia多年來都被指同本地藝人撞樣,一個係陳婉衡,另一個係泳兒!

同場加映:

5大男優嚴選「神11」女優 波多野最溫柔 明日花最識做

近日喺日本阿佐谷舉行嘅脫口秀中,就有四位男優,以及藝人兼AV評論家進行一番討論,討論邊個女優最可以代表日本。佢哋先係每人選出兩位自己最鍾意嘅女優~

三上悠亞

首先選擇嘅係日本搞笑藝人兼AV評論家宮地謙典,佢第一個揀嘅係擁有超高人氣、就算女仔就會識嘅「一哭二鬧」三上悠亞!原因係三上除了樣貌身材出眾、人氣高企外,更因為做過女團成員,好識得捉住粉絲嘅心~

大槻響

宮地謙典揀嘅另一位係今年30歲嘅知名女優大槻響(大槻ひびき),宮地認係佢演出作品多而且保持高質量,大槻仲曾被稱讚過好擅長判讀拍攝現場嘅狀況。

波多野結衣

大島丈第一位揀嘅係波多野結衣,「暗黑林志玲」無人不曉,佢話波多野結衣不但人氣高、地位高|仲係一位性格好好、好顧及其他人嘅溫柔女性。

茉莉花

仲有就係茉莉花(まりか),係美國發展嘅佢都有唔錯嘅成績,喺日本女優中屬少數!

鈴村愛里

吉村卓第一位揀嘅係鈴村愛里(鈴村あいり),佢覺得佢好有女朋友feel。

河合明日菜

另一位就係河合明日菜(河合あすな),吉村卓認為佢喺新一代女優中實力頂尖,年輕有活力。以勁爆身材見稱嘅河合出道後更被封為「平成最後の神乳」

吉澤明步

森林原人揀嘅第一位係吉澤明步,呢位34歲嘅女優出道多年,演出作品無數,係A片界其中一個Icon,森林原人覺得佢要代表日本絕對唔係問題!

春原未來

另一位係「百合系」N0.1嘅春原未來,覺得佢好有戲劇細胞。

明日花綺羅

最後嘅係田淵正浩,佢第一個揀嘅係AV天后明日花綺羅(明日花キララ),讚佢作為藝人非常識做,唔單止吸引到A片愛好者以外嘅Fans,而且「技術」方面都係愈來愈勁!

高橋聖子

第二位就係同三上悠亞叮噹馬頭嘅高橋聖子(高橋しょう子),本來係寫真偶像嘅佢樣貌出眾,仲有逼爆G Cup上圍,為A片界帶來一番新景象!

第11人美谷朱里

點解有第11人呢?因為除了每位男士揀出兩位外,仲有經所有人討論過後選出最後一人,呢位女優就係美谷朱里!理由係佢在男優間原來相當受歡迎,令人有種「想再加見到你」嘅心動感,而且其實個性表裏如一,係最大嘅魅力。

佢哋未必講到大家心目中嘅神級女優,但好似有位巴打咁講,佢哋話晒都食過咁多女優,應該要尊重佢哋第一身感受!