洪永城

冇女朋友的日子 洪永城 變貪靚城!

最新娛聞

廣告

復合?唔復合?復合?唔復合。分手都就嚟年半,到底洪永城同唐詩詠呢對仲有冇機?目測呢就各有各忙,年半以嚟交集少之又少,唔見又邊有機會翻撻呢?

撰文:東方新地|圖片:新傳媒圖片、洪永城IG

洪永城變貪靚城

忙啲咩?早排記者至撞正唐詩詠唔使拍劇時一個人做Gym、幫鋪頭搬貨、一個人巡蛋糕店,冇咗男朋友搖身一變女漢子。至於洪永城,冇咗女朋友喺身邊,竟然係貪靚啲喎!拍完微電影《愛情沒有來的時候》、《丫鬟大聯盟》又煞科,近來拍緊《多功能老婆》做第三男主角,戲份唔算多,休息時間變多,難得可以抖吓行吓街,日前洪永城就一個人走咗去兩層高化妝品旗艦店幫自己入吓貨。睇夠買完仲有下場,校啱時間一出化妝品店就有朋友車去到門口等上車。唔通有新歡?錯,同性嚟架!

話晒榮升大台小生,貪靚扮靚是必須的,所以有假放就嗱嗱聲去咗兩層高大型化妝品店慢慢補貨。

原來行街只係攝時間,打電話係叫定朋友出車接,校啱時間唔使五分鐘就有車坐。

過去一年劇接劇無停過嘅洪永城,近來比較優閒,仲去朋友屋企house warming打邊爐㖭﹗

Tony Hung 洪永城(@guruhung)分享的貼文 張貼

近來洪永城拍緊《多功能老婆》,做第三男主角!

Tony Hung 洪永城(@guruhung)分享的貼文 張貼

Tony Hung 洪永城(@guruhung)分享的貼文 張貼

搞掂,終於可以剪頭髮同剃鬚喇。#煞科 #多功能老婆
Tony Hung 洪永城(@guruhung)分享的貼文 於 張貼

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!