雷碧娜

雷碧娜驚喜現身《街坊廚神》「花師奶」首與金剛、小儀正式會面

最新娛聞

廣告

由金剛、小儀主持的飲食節目《街坊廚神》系列長拍長有,最近於10點半時段播出的《街坊廚神重出江湖》亦是收視不俗,可惜咁快又已經播完啦!但今輯最後一集最驚喜之處,莫過於配音員雷碧娜出場做頒獎嘉賓!

撰文:東方新地|圖片:節目截圖

雷碧娜驚喜現身《街坊廚神》

《街坊廚神》系列每集都會有「學廚PK賽」環節,由金剛小儀鬥廚藝,雖然金剛過去都係輸多贏少,但今次終於爭一口氣,以7:3擊敗小儀!而呢晚的頒獎嘉賓,竟然係一直在幕後為節目擔任旁白的資深配音員雷碧娜,出場時更以佢唱的《別怪她》為背景音樂,觀眾超驚喜!

據知雷碧娜雖然為節目任旁白,但原來今次先正式同金剛、小儀會面!

監製邀請登場

人稱「雷姐」的雷碧娜雖然接受過唔少訪問,但甚少喺電視節目中現真身,難得今次在《街坊廚神》亮相!雷碧娜接受傳媒訪問時表示,原來係監製覺得佢都做咗五輯節目,所以不如出一出鏡!

唔止「花師奶」

1976年麗的藝員訓練班入行的雷碧娜,擔任配音工作已有40多年,由佢聲演的角色數之不盡,最深入民心一定係《我們這一家》花師奶!另外仲有《火影忍者》鳴門、《全職獵人》小岡、《棋靈王》進藤光以及《咕嚕咕嚕魔法陣》勇者仁傑等,呢把聲音確係陪住好多小朋友成長!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
街坊廚神