春卷

去茶樓食春卷都出事! 巴打:剪開都要收手續費?

熱話

廣告

香港人無論平時返工定放假,都好鍾意去茶樓飲茶食點心,近日有位巴打就去飲茶,叫咗碟春卷食,嚟到時見到春卷原條冇剪開,好自然就叫個樓面幫幫手啦,點知就出事了⋯⋯

原文:娛聞樂|圖片:新傳媒、Lihkg.com

去茶樓食春卷都出事!巴打:剪開都要收手續費?

事情是咁的,有位巴打就去咗屯門稻x茶樓度飲茶。叫咗一碟春卷,就因為呢一碟春卷,令佢對佢嘅人生感到非常迷惘,希望連登巴打可以幫到佢。

內文如下:

小弟叫咗一碟春卷 嚟到有四條
不過無剪

我善意要求 問可唔可以剪開
個樓面答我
公司規矩 剪開要拎走一條

想請問是否正常?
小弟飲茶經驗欠缺 求高人指點迷津

好在樓主最後都有出聲!

延伸閱讀:

點心師傅自己都唔食? 三大中伏點心你要知

|叉燒餐包

首先係有唔少捧場客的叉燒餐包,據知原來有人會呢種點心加入大量添加劑,令到個包明顯地鬆軟,就算放涼後都不合理地鬆軟。傳統做餐包一般只會加入酵母,但有人會加入反式脂肪酸高的乳化劑,雖然用量應該係合法,但都對身體唔好啦!

|魷魚和牛柏葉

之後到魷魚及牛柏葉,因為水魷魚及牛柏葉一般都係好韌好硬,單單浸清水或梳打粉的效果不大,所以會加入化學物質;另一方面,供應商為了增加利潤,會用化學材料將食材發大三至四倍,甚至有人會用上雙氧水或哥士的,真係聽見都怕怕!

食咩點心最回本?

|海產類

點心款式包羅萬有,人人口味不一,但其實眾多點心之中,性價比而言都係有高低之分的,咁去茶樓食咩最回本呢?首先係材料有海產的點心!例如有蝦、帶子等等,呢類點心售價較高,同時成本亦的確較高,行內俗稱「貴買平賣」,成本比其他點心起碼高10% !

|酥皮類

而另一款成本高的點心就係酥皮類,例如叉燒酥、蛋撻仔等,所需的工夫和時間都比較多,而且損耗較高,控制唔好火喉就隨時要丟掉,所以呢類食物現時喺一般酒樓都已經買少見少!