張寶兒

張寶兒實行奶奶政策 自爆生日陪袁母去旅行

最新娛聞

廣告

藝員張寶兒(Bowie)、張彥博、袁潔儀、李綺雯到將軍澳電視城出席《十月星辰》活動,成班十月生日嘅藝員同場齊齊慶祝!點知張寶兒就大爆自己正日生日會行奶奶政策喎!

撰文:東方新地|圖片:新傳媒圖片庫、instagram

張寶兒生日陪袁母去旅行

張寶兒與張彥博、袁潔儀、李綺雯等人出席《十月星辰》活動,而今個月10號生日嘅Bowie就透露自己正日生日將會同男友袁偉豪(Ben)及袁母一齊去日本旅行,以慶祝自己27歲嘅生日。唔洗講,呢個一定係奶奶政策啦!

Bowie就表示今次係第一次同男友媽咪一齊去旅行,不過就唔擔心途中會發生爭拗,仲話同袁母都有見面吃飯,大家性格都易遷就人,所以唔怕會唔慣咁話。又啱嘅,萬大事都仲有呀Ben做中間人,邊洗驚會有拗撬。

View this post on Instagram

媽媽I Love You❤️

A post shared by Benjamin Yuen (@benontheroad) on

張寶兒以事業為重

另外,Bowie透露同男友已經有共識,一切都會以事業為重,同時亦會專注照顧家人,雖然結婚話題可以討論,但因為知大家都唔係走驚喜路線,所以預計男友唔會突然話送驚喜求婚。

袁偉豪:你是我心目中最堅強的爸爸

人稱泰哥的袁偉豪爸爸,從前是一名警察,從袁偉豪上載的照片可見袁爸爸年輕時一臉英氣,當中有其穿上警察制服的舊照,亦有一家人的家庭照。袁偉豪稱爸爸是一位為市民服務的好警察,又寫道:「你是我心目中最堅強的爸爸,辛苦你了。不再痛苦,好好休息。」

張寶兒稱袁父「爸爸」

至於袁偉豪女朋友張寶兒,早前拍攝新一季《學事學非》時雖然保持歡笑,但當接受訪問時提到袁爸爸去世,亦不禁傷心落淚。張寶兒受訪期間亦以「爸爸」稱呼去世的uncle,可見佢同男朋友家人感情相當要好。所以袁偉豪女友張寶兒亦有感而發,早前喺社交網站寫下大段感言,但就被網民指佢其實係乘機賣廣告!

張寶兒有感而發

向來給人感覺係個開心果的張寶兒,人前經常嘻哈大笑,在網上亦不時發放正能量,早前佢上載一張自己喺遊輪上的照片,寫下大段感言,類似係自己對「生命」的一番感受,似乎都係因袁偉豪爸爸離世所以有感而發,亦希望安慰男友。

被質疑賣廣告?

不過有眼利網民發現,在文字下的一大hashtag中,出現了「#世界夢號」、 「#dreamcruise」及「#海洋的氣息」等字眼,似乎就係講緊Bowie身處的星夢郵輪「世界夢號」,難免有人覺得佢係賣緊廣告…

張寶兒:下次會小心啲…

張寶兒之後出席無綫節目《海上夏日郵樂園》活動,提到被質疑借男友父親離世賣廣告,寶兒就話該文章係男友爸爸離世前後幾日寫,純粹因為嗰幾日發生的事有感而發。又表示作為藝人,講任何嘢都可能令人覺得係賣廣告,下次會小心啲。

袁偉豪Man爆護花

對此袁偉豪在IG上載一張張寶兒笑得非常燦爛、以摩天輪作背景的照片,並留言為女友護航:「不用上心,懂你的人便會懂」下面仲有「遠離負能量吧」、「好好建立自己的生活」等hastag,網民見到都大讚袁偉豪護花man爆,果然係暖男!

張寶兒上載余德丞黑白照?

其中有份一同演出劇集《鐵探》的張寶兒,在ig貼一張新劇《鐵探》合照,並寫道:「鐵探精神。#鐵探#一個都不能少#細超#心不放棄身體就會跟隨#一定要快點康復#還有阿招#祝福#打氣#pleasegetwellsoon#nevergiveup」相中還有謝東閔、梁烈唯、余德丞、袁偉豪,張寶兒,和未有出鏡的蔡思貝。本來加油、集氣係出於好意,但張寶兒卻將相片轉為黑白照………

重新Po彩色照

未幾,張寶兒立即將黑白照「下架」,再重新上載一張一模一樣、但變彩色相。

網民鬧爆

有網民見到黑白相當堂嚇一跳,而張寶兒急急回應網民解釋:「我見到都嚇一嚇!一個月前我係draft設定咗圖片filter,今日鋪前改了顏色,但鋪後卻發現佢仲儲存咗一部分之前設定。所以唯有九秒九下架重新設定。希望大家不要有誤會!」不過網民話既然本身係彩色照,點解要多此一舉轉黑白照,插佢狡辯,有網友更舊事重提,話早前袁偉豪爸爸過身,張寶兒又疑似趁機賣郵輪廣告!

寶兒向大家講對不起之外,再作解釋,指設定有問題Po了3次,等到第4次才成功!

袁偉豪護花

網民鬧到張寶兒狗血淋頭,男友袁偉豪21分鐘後留言護花,留言叫大家一齊支持余德丞,遠離負能量……可惜網民群情洶湧,不斷數落女友,袁偉豪今早再度留言,希望為女友解圍,但似乎無助平息事件,有網友連袁偉豪都鬧埋!

 

張寶兒就回應男友:「謝謝你。不過不用為我擋。我要解釋的已經解釋過,各人喜歡如何理解可能關乎各人的價值觀。如果是心水清的,或者願意認識我的,就會願意知道我是什麼人——可能還是有點大意(對不起,我也在一天天學習成長),但絕對對自己的心性和思考有要求。我相信愛是最大的力量,所以會盡我的努力愛身邊所有人。對不起,在你專注開工的時候為你帶來麻煩。請不用把精力放在這裡,我們好好祝福德丞要平安,繼續為他凝聚正能量就好了。」

屢次出事

張寶兒唔係第一次玩ig「出事」被網民喪插,對上一次係今年5月底,當時袁偉豪的爸爸不幸離世,傷心欲絕的袁偉豪在社交網寫下沉痛感言,「樹欲靜而風不止 子欲養而親不在 爸爸永遠懷念您」袁偉豪的爸爸與癌病搏鬥多年,早前不幸離世,傷心欲絕的袁偉豪在社交網站公布父親離世的消息,寫下感言及上載多張與父親的合照、以及父親年輕時的照片。袁偉豪又叫爸爸好好休息:「放心,媽媽交給我吧。」

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
張寶兒