江美儀

分手變離婚!江美儀、吳君祥 驚爆06年美國秘婚

47歲江美儀與吳君如細佬吳君祥拍拖11年,最近傳出二人兩年前已分手!點知前日(5/10)吳君祥爸爸冬叔夏春秋被傳媒查問時就不慎漏口風,原來美儀同吳君祥於2006年喺美國結咗婚,不過美儀就話冇咁嘅事,只係冬叔搞錯咗。但係今日有傳媒挖出二人喺美國嘅結婚證明,今次睇嚟不認不認還需認喇!

原文:Sunday kiss 圖片:美國西雅圖公共搜尋網、新傳媒圖片庫、電視及廣告截圖、江美儀微博、IG

江美儀 分手仍祝福吳君祥

江美儀與吳君祥分手嘅消息通晒天,今日(6/10)美儀就喺個人ig吐露心聲:「未來的日子,抱歉,不能繼續和你手牽手一起走下去了,但我相信在各自的路上有著我們互相的關心和鼓勵,將來必定會走更高更遠。謝謝也祝福你,Vincent! 」相信二人再見亦是朋友。

 

66b25827gw1ew9gwl67hoj218g0xcaoo

冬叔口快快爆二人已婚

分手消息傳出,不少傳媒都向冬叔查問,點知冬叔竟然爆出二人於06年已經喺西雅圖結咗婚。但係事後美儀同Vincent都話係冬叔記錯。冬叔今日再接受訪問,就話當時Vincent識咗美儀,於是叫佢快啲結婚,Vincent就開玩笑話好,仲話「而家就去西雅圖結。」所以冬叔一直以為二人已經註咗冊!