江美儀

分手變離婚!江美儀、吳君祥 驚爆06年美國秘婚

最新娛聞

廣告

47歲江美儀與吳君如細佬吳君祥拍拖11年,最近傳出二人兩年前已分手!點知前日(5/10)吳君祥爸爸冬叔夏春秋被傳媒查問時就不慎漏口風,原來美儀同吳君祥於2006年喺美國結咗婚,不過美儀就話冇咁嘅事,只係冬叔搞錯咗。但係今日有傳媒挖出二人喺美國嘅結婚證明,今次睇嚟不認不認還需認喇!

原文:Sunday kiss 圖片:美國西雅圖公共搜尋網、新傳媒圖片庫、電視及廣告截圖、江美儀微博、IG

江美儀 分手仍祝福吳君祥

江美儀與吳君祥分手嘅消息通晒天,今日(6/10)美儀就喺個人ig吐露心聲:「未來的日子,抱歉,不能繼續和你手牽手一起走下去了,但我相信在各自的路上有著我們互相的關心和鼓勵,將來必定會走更高更遠。謝謝也祝福你,Vincent! 」相信二人再見亦是朋友。

 

冬叔口快快爆二人已婚

分手消息傳出,不少傳媒都向冬叔查問,點知冬叔竟然爆出二人於06年已經喺西雅圖結咗婚。但係事後美儀同Vincent都話係冬叔記錯。冬叔今日再接受訪問,就話當時Vincent識咗美儀,於是叫佢快啲結婚,Vincent就開玩笑話好,仲話「而家就去西雅圖結。」所以冬叔一直以為二人已經註咗冊!

同好多天王天后喺美國結婚一樣,都好容易可以喺政府嘅公共搜尋網搵出紀錄!美儀同Vincent嘅結婚證明,就被傳媒輕易摷咗出嚟!

就此再向美儀查詢,美儀就話事隔十幾年,已經唔係好記得喇,可能係當時飲大咗做錯事啦~

江美儀15年生日,當時男友(其實係老公)吳君祥就聯同一班好友為佢搞咗個生日party,美儀上載咗party影嘅相,仲留言多謝佢BB安排嘅朋友同禮物,再附上一張錫錫相,sweet到震!

美儀同吳君祥拍拖多年,男友曾經被影到攬女,不過江美儀百分百信任男友,順利過渡七年之癢,去邊都孖住一齊!2015年中,佢哋去銅鑼灣超市上糧,排隊等收錢嗰時發現記者,兩個同一時間自動波黐埋笑晒咁被記者影相,呢啲默契去邊度搵!

江美儀遙遠同記者打完招呼,就如常咁排隊等俾錢,但男友吳君祥被捕獲表現得興奮,不停自high擺甫又舉V字,買完嘢行出去企定定俾記者影相,又反問記者:「係咪要講幾句㗎?今日同美儀去超市買米囉,搵張靚仔啲相先登喎!」吳君祥果然有家姐吳君如同老竇夏春秋的表演慾DNA!

江美儀完美演繹分手都要活得比你好,佢近大半年除咗寄情工作同照顧一對狗仔,仲經常四處遊山玩水、扮靚、行山、約飯局,而早前佢喺ig貼相,話:「今次重唔輪到我,有高人指點行山慢跑係唔同既!打風前天氣真係一流,陽光普照微風陣陣,好爽呀!
#江美人#江美儀#好好善待自己#周潤發#我行山師傅係發哥」原來約發哥行山,對方仲係佢行山師傅,恨死唔少人!

 

江美儀新劇飾演鳳姐

早前江美儀、龔嘉欣等人於將軍澳電視城出席電視劇 《殺手》造型暨開鏡拜神儀式。美儀以一身俏護士的打扮出場,結果吸引了不少鎂光燈聚焦於她身上!

江美儀會於劇中飾演鳳姐一角,因此以護士look的造型亮相拜神儀式。見美儀以紅髮平蔭look,再加一個烈艷紅唇及濃眼妝出場,成個造型令她成為全場焦點所在!

江美儀 演阿伯殺手

著起一身粉紅色護士服,一對白色魚網絲襪加高踭鞋的美儀完美演繹出一樓一的獨有品味!美儀事前專程拜訪「鳳姐」以取經,並續指:「今次演一個阿伯殺手,原來真實幫襯唔止阿伯,仲有好多斯文後生仔,所以我同監製講拍嗰陣要搵個熟啲嘅後生仔,因為要埋身接觸,熟啲就唔使溝通。」

江美儀情挑黎耀祥

其後,美儀仲擺出一個挑逗黎耀祥的甫士,原來黎耀祥於劇中是美儀的恩客,美儀透露劇中仲會有湯水服,同時續指自己唔介意演妓女一角,因為認為演員應感恩能演到與生活不相關的角色。

不過,美儀就笑言:「今次仲勁過之前黑絲,係入行以嚟最多造型,監製打畀我嗰陣,我仲以為佢打錯電話。」據知,美儀於新劇仲會有OL、動漫cosplay等更爆的造型!相信大家可以拭目以待!

嫌前面冇嘢睇?原來背後仲有一個大窿!

江美儀歷年重口味之作

被稱「黑絲儀」

其實,美儀就並非第一次以重口味登場,不如就趁今次機會同大家一齊重溫一下仲有邊啲重口味造型啦!唔知大家仲記唔記得2012年播出的電視劇集《名媛望族》,劇中美儀飾演劉松仁的三姨太。

劇中,二人除咗有錫錫鏡頭外,相信觀眾們最印象深刻的是當年41歲的美儀著起黑絲,情挑「老公」劉松仁一幕!

當年呢一幕一出,簡直轟動全城,唔少人直指呢幕非常重口味!而且,江美儀更自此被人稱為「黑絲儀」!

激吻馬明

不過高處未算高,2013年播出的《衝上雲霄II》中,江美儀就換上一套空中服務員的制服,飾演一位高級機艙事務長方芮嘉。

美儀於《衝II》中,與馬國明發生一段拉拉扯扯的姊弟戀!

重點係當時,美儀可謂於觀眾心中再下一城,皆因她與馬明嚟一個床戰激吻!當時就有人大讚她的演技,但亦有人嘲諷以她的年齡就唔好拍啲咁嘅劇情。

胸衣吊襪登台

單立文(豹哥)曾於伊館與李思捷及Palwerful Band一齊開演唱會,其中更邀得當時44歲的美儀做嘉賓。當晚,美儀就著上黑色性感胸衣配誘人吊襪,谷行胸的美儀真係睇到人嘩嘩聲!

除剩性感胸衣的美儀仲「埋身肉搏」豹哥,二人更即席上演一場床上戲,令現場尖叫聲不斷!

擔任內衣代言人

未知美儀是否於《名門望族》中的表現太出眾,其後於2014年開始她就曾擔任內衣代言人,在拍攝廣告時更同樣著起一雙誘人黑絲,重演「黑絲儀」的經典!

當時43歲的美儀身型依然keep得非常好,身上一嘅肥肉都冇,難怪能夠獲得內衣公司的菁睞!

鮮紅誘視誘惑

2015年時,美儀曾穿上一套鮮紅色誘視蕾絲西裝配上同色內衣,娘唔娘小編就唔知,不過就知呢個造型絕對唔係任何人都carry得起!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
江美儀