嫁到這世界邊端

【嫁到這世界邊端2】獨力養活失業瑞典老公12年 毛毛:我唔會計較佢係咪使我錢

最新娛聞

廣告

陳貝兒主持的TVB真人騷《嫁到這世界邊端2》前三集就請來兩位韓國人妻秋仔同Joan,都感動到全港觀眾。嚟到最新一集,就去到瑞典搵到人妻毛毛同老公Johan。當大家都以為嫁去外國做少奶奶真係好幸福嘅時候,其實毛毛足足為咗撐起頭家,一個人打工足足12年。

撰文:東方新地 |圖片:《嫁到這世界邊端2》截圖

【嫁到這世界邊端2】港女毛毛獨力養活瑞典失業老公12年

港女毛毛24歲時同前夫離婚,當時已經有一個小朋友嘅佢就成為單親媽媽。佢仲話嗰陣都有啲港男追佢,不過一聽到佢結過婚又有小朋友嘅時候,個個都耍手又檸頭,急急腳咁走啊!

喺一次偶然嘅機會,毛毛喺網上認識到瑞曲老公Johan,最難得嘅係同佢同齡嘅Johan完全唔介意毛毛嘅過去。

Johan喺大學讀設計,而毛毛得中三學歷做Sales,英文麻麻,所以毛毛就知道兩個人條路會好難行。不過好彩嘅係,Johan嘅媽媽知道毛毛嘅過去,不單無抗拒之餘,仲話呢啲女仔夠成熟,非常好!叫阿仔快啲去搵佢添。

Johan把心一橫將自己喺瑞典嘅物業賣咗,拎住廿萬旅費去香港搵毛毛,不過旅費好快就使晒,兩個人又唔想異地戀,所以毛毛為咗幫Johan拎簽證就決定裸婚。因為兩人經濟結据,無擺喜酒之餘就連婚戒都係毛毛自己買。

雖然老公讀設計,但係喺香港搵足四年工都無公司請。二人生活就緊係要有錢去維生,所以大大小小嘅支出都係由毛毛畀,而且毛毛又要養爸爸、小朋友仲要養埋Johan,不過毛毛亦都無埋怨同計較。

老公Johan都有試過自己開公司接單,不過收入非常唔穩定,結咗婚12年,都只係靠毛毛獨力支撐住屋企。而毛毛都唔想老公無面,所以唔同人講,身邊嘅朋友一直都以為毛毛係幸福少奶奶,而老公嘅朋友更加覺得係毛毛學歷低,外表又唔係特別好,襯唔起佢老公喎!

講到呢到,毛毛都忍唔住喊出嚟。咁又難怪嘅,自己一個人打工賺錢養老公足足12年,外界人唔知道之餘仲要話佢根本襯唔起佢老公,真係聽到都心痛又無奈。

陳貝兒問到Joahn:「毛毛出去做嘢咁辛苦,你有無感動啊?」而Johan就話:「唔淨係感動,我覺得好羞愧添!佢要去賺錢,做嘢做得咁辛苦,我又無太多貢獻。我當時真係唔太成熟,係佢令我變成更好嘅人。」

不過好彩嘅係,Johan最終都得到一間瑞典設計公司聘請,兩個人就由香港飛返瑞典定居,供養佢,畀佢做幸福少奶奶。回想起兩個人當年結婚時無影過結婚相,所以今次《嫁到》製作單位仲帶咗套婚紗過去送畀毛毛,幫佢哋補返輯婚紗相,場面非常感人。

喺節目嘅最後仲送上一段非常感動嘅情節。

有網民就關心毛毛個囡而家嘅情況,而陳貝兒都喺Instagram交代咗:囡囡其實已經20幾歲,係一位教師,有自己嘅職業同埋自己嘅生活,拍緊拖,好開心。毛毛一年幾前離開香港移居瑞典嘅時候都有問過囡囡嘅意向,囡囡唔捨得香港嘅朋友同份工,所以選擇留喺香港,為媽媽送上無限嘅祝福,鼓勵媽媽繼續勇敢去愛。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!