李蘊

李蘊:「我都係唔會放棄餵人奶!」 自揭胸有硬塊兼發低燒

最新娛聞

廣告

今年27歲嘅李蘊16年與拍拖三年的廣州商人羅章冠結婚,年紀輕輕就已經有一仔一女,一家生活美滿。不過,近日佢喺個人社交網發文透露自己胸部有硬塊兼持續低燒,但仍堅持餵囝囝人奶!依家情況係點?

撰文:東方新地|圖片:Instagram

李蘊 閃嫁內地商人

李蘊2016年結婚,當日的婚禮進行得相當低調,事前幾乎沒有任何先兆,當晚只有李蘊兩位好姊妹何超蓮及G.E.M.到場。李蘊婚後長居廣州,甚少在香港公開場合露面。

2016年初,李蘊在婚後不久宣布懷孕,並於同年五月誕下囡囡羅紫晞,一家三口幸福滿瀉。

李蘊早前喺Instagram公布囝囝出咗世,Renee囝囝仲身懷「四條發」,因為佢喺2018年8月8日38周喺法國醫院出世,仲同家姐神奇一樣重3.2公斤(約7.05磅),佢留言:「報喜啦🎊我哋嘅小寶貝係8月8號38週(周)當日已經出咗世啦🐣同家姐一樣順產 同樣重3.2kg⚖️不過今次只係痛咗3個幾鐘就生咗😆雖然覺得痛過第一胎😖但時間短好多😎細佬真係錫住媽咪😘😘多謝老公陪產期間一直幫我加油同鼓勵我💞仲幫我按摩舒緩痛楚」

View this post on Instagram

報喜啦🎊我哋嘅小寶貝係8月8號38週當日已經出咗世啦🐣同家姐一樣順產 同樣重3.2kg⚖️不過今次只係痛咗3個幾鐘就生咗😆雖然覺得痛過第一胎😖但時間短好多😎細佬真係錫住媽咪😘😘多謝老公陪產期間一直幫我加油同鼓勵我💞仲幫我按摩舒緩痛楚💆🏻‍♀️多謝劉珮琪醫生一直同我做產檢同埋接生👩‍⚕️佢係一個又細心又有耐性又有經驗嘅超nice婦產科醫生 生完第二日個傷口已經唔痛 因為幾乎無傷口😛(極力推薦比各位孕媽媽👍🏻)同埋多謝🏥法國醫院所有3樓嘅姑娘同姨姨 兩次生B都有好好嘅體驗🤩我哋已經返咗屋企休息啦!再次開啟母乳媽媽模式🤱🏻💪🏻多謝大家關心💕 #羅家小新 #羅家兩姊弟

A post shared by Renee Lee 李蘊 (@renee0727) on

李蘊自揭胸有硬塊兼發低燒

日前,李蘊喺個人社交網透露自己胸部有硬塊兼持續低燒,唔可以餵人奶,佢留言:「雖然我係上奶快和奶量多嘅媽媽,但同時係易塞易乳腺炎嘅媽媽,上胎餵晞晞真係個個月發燒發炎㗎,只不過我堅持繼續餵,估唔到稍有經驗嘅我,今胎兩個幾月終於失守,塞咗、低燒、硬塊好痛啊!個頭又痛,但我都係唔會放棄㗎!繼續餵!易塞嘅媽媽就會明白我,真係冇做錯事都會冇啦啦塞㗎!我都好羨慕奶路暢通嘅媽媽們。」

李蘊病咗都堅持繼續餵人奶,好在年輕靚媽嘅身體復原能力較好,佢指自己:「燒咗兩日,最高燒到39.4,行都行唔到,個頭又痛到爆炸,終於今朝退咗燒啦!多謝我媽幫我頂咗兩晚夜更餵樽,比我瞓好少少!唔講咁多,繼續努力行我嘅人奶路!」可見母愛幾偉大!

李蘊 晒細仔沙龍照

有子萬事足的嘅李蘊日前就喺社交網晒囝囝嘅沙龍照,唔止大女、細仔出鏡,連老公同李蘊媽咪都罕有出鏡!見李蘊老公抱住囝囝流露出慈父樣,好溫馨!

Renee亦同媽媽、大女晞晞和細仔來了張三代同堂的合照!大女同婆婆都好似樣呀!

李蘊同可愛囝囝瞇眼擺咗個一樣的表情,兩母子簡直係餅印樣!!

李蘊:兩個夠晒數

坐月中嘅李蘊又晒出同可愛仔嘅合照,留言話:「上網見到 話順產嘅痛=20根骨頭同時折斷。雖然當時真係好痛 但係好似又無咁誇張喎….同埋生完第二日就覺得:其實都唔係好痛姐 可以再生多幾個,不過同老公商量過 兩個就夠曬數!」

今年27歲的李蘊16年與拍拖三年的廣州商人羅章冠結婚,同年5月誕下囡囡紫晞後,上周三(8月8日)再誕下囝囝,三年抱兩,湊夠好字呀!做媽媽當然想畀最好嘅子女,所以李蘊堅持要餵母乳,即使囝囝出生後因為黃疸指數偏高要留院照燈,她也一樣努力泵人奶送去醫院等囝囝有得食,不少網友見她只是產後短短一周,已經奶量充足,紛紛留言問上奶的方法,李蘊也大方公開……

李蘊早幾日在幫囡囡開嘅Ig上留言,話囝囝出世幾天發現患蠶豆症,黃疸偏高要留院照燈,李蘊話大女出世嗰陣都要照燈:「我們兩姐弟也逃不過要照燈的命運。」

今日貼咗一張囝囝瞓喺廂入面照燈嘅相,然後代囝囝留言話:「哎呀!醫生仲未放我返屋企啊!好彩媽媽每日都嚟拎奶奶俾我飲!好味道!」有網友建議李蘊飲木瓜湯增加黃膽指數,李蘊亦有扮囝囝留言回應:「媽咪話佢冇飲木瓜湯喎!」之後亦有再留言話:「醫生話睇下聽日放唔放細佬返嚟喎!」

做媽媽當然想畀最好嘅子女,所以李蘊堅持要餵母乳,即使囝囝出生後因為黃疸指數偏高要留院照燈,但原來囝囝住院期間,李蘊照樣泵人奶,佢話人奶媽唔懶得,就算BB照緊燈唔係身邊 一樣要定時揸/泵出黎拎去醫院比BB食,而她也晒大半天的成果,她說對此成績感到ok滿意!李蘊亦喺自己Ig分享餵人奶心得,佢話:「有好多媽媽問,點先可以多奶,我唔係專家,但我可以以經驗分享一下。」

經驗如下:
1.首先唔好怕會肥,食多啲飯,飲多啲湯水/炒米茶;
2.勤力餵,埋身餵係最快上奶嘅方法;
3.要同BB多練習,唔好俾佢只吸乳頭,要吸大部分乳暈,如果唔係就好易損,超痛又流血,到時又有藉口放棄人奶㗎喇!

View this post on Instagram

有好多媽媽問 點先可以多奶 我唔係專家 但我可以以經驗分享一下 首先 唔好怕會肥 食多啲飯 飲多啲湯水/炒米茶 其次 勤力餵 埋身餵係最快上奶嘅方法 當然要同BB多練習 唔好比佢只吸乳頭 要吸大部分乳暈 如果唔係就好易損 超痛又流血 到時又有藉口放棄人奶㗎啦 不過基於我仔仔照緊燈 就要靠自己手揸啦 我無用電泵 因為開頭怕泵傷乳腺 只係用暖水按摩乳房後用接奶神器(圖二,純分享非廣告)吸住乳房睇住佢由一滴一滴至到有奶陣(有奶柱噴奶)睇住仔仔嘅相/影片 奶陣好快就會黎 係好神奇㗎 個腦控制奶陣 要成日諗住仔仔要奶奶仔仔要奶奶 咁就有奶㗎啦 同埋心情真係好影響奶量㗎 個人唔開心奶都少好多 要保持好心情 覺得自己係全世界最幸福嘅人 奶路就自然暢通無阻啦😝 #非廣告 #純分享 #母乳媽媽

A post shared by Renee Lee 李蘊 (@renee0727) on

4.睇住仔仔嘅相/影片,奶陣好快就會嚟,係好神奇㗎,個腦控制奶陣(有奶柱噴奶),要成日諗住「囝囝要奶奶」、「囝囝要奶奶」,咁就有奶㗎喇!
5.心情真係好影響奶量,個人唔開心,奶都少好多,要保持好心情,覺得自己係全世界最幸福嘅人,奶路就自然暢通無阻啦!

因為當時囝囝仍未離開醫院,李蘊仍要每日泵奶:「基於我仔仔照緊燈,就要靠自己手揸啦,我冇用電泵,因為開頭怕泵傷乳腺,只係用暖水按摩乳房後,用接奶神器吸住乳房,睇住佢由一滴一滴至到有奶陣。」

B仔終於出院,見佢頭髮濃密,眼仔睩睩,2歲大女晞晞仲輕撫細佬臉頰,非常有愛!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
李蘊