翁嘉穗

為港增光!翁嘉穗17歲大仔美國舉重奪冠 破兩項世界紀錄

最新娛聞

廣告

前港姐冠軍翁嘉穗 (Virginia) 99年嫁七海化工集團主席鄔友正,婚後誕下兩子,大仔Jason (鄔謨雲) 現已17歲大!

一向熱愛舉重嘅Jason,繼早前贏得香港舉重健力總會比賽嘅冠軍,並打破咗自己喺香港創下嘅健力舉重紀錄,日前翁嘉穗再在社交網透露兒子在美國參加舉重比賽奪得世界賽冠軍,Jason在深蹲、硬舉兩項比賽的青少年級別奪冠,並打破兩項世界紀錄,認真威威!

編輯:東方新地 原文:東方新地、Sunday Kiss|圖片:新傳媒圖片、kashuivirginiaIGjasonwuofficialIG

前港姐翁嘉穗兒子舉重奪冠 破兩項世界紀錄

日前,翁嘉穗於社交網透露兒子在美國代表香港參加舉重比賽奪得世界賽冠軍,並打破兩項世界紀錄。她為兒子感到驕傲:「奪得世界冠軍絕非易事,但你嘅熱情、毅力同決心,令到你成功。」

此外,Jason亦難掩興奮,在網上表示自己在青少年級別以82.5 KG成績奪冠,令人為他感到驕傲!

比賽重重波折

事後,翁嘉穗透露兒子今次比賽波折重重:「因為Jason要由波士頓搭飛機到華盛頓再轉機到比賽場地,點知遇上航班取消,要再坐3個鐘車先到!之後又遇上酒店停電,好彩冇影響佢情緒,仲突破到自己成績,又為港爭光,絕對係佢生日前最佳嘅禮物。」希望Jason繼續加油,再次為港爭光!

1997年港姐冠軍 翁嘉穗

1997年嘅港姐冠軍翁嘉穗係個四料冠軍,包括:香港小姐冠軍、最上鏡小姐、東方美態大獎和都會魅力小姐。

卸任不續約嫁鄔公

按照慣例,香港小姐冠軍一般都有一年時間要代表香港出戰世界性嘅選美比賽,以及出席其他宣傳香港嘅活動,之後先有機會返大台拍劇等。雖然大部分嘅港姐冠軍做咗一年卸任後都會選擇繼續同TVB簽約,但亦有人會選擇唔續約!

而翁嘉穗係其中之一,佢唔續約嘅原因非常簡單,就係因為佢卸任不久嫁咗俾佢大20年嘅七海化工集團有限公司主席鄔友正,做個幸福少奶奶,生活無憂。

老夫少妻冇代溝

翁嘉穗2000年就為鄔家生咗個慈姑椗,從此退出娛樂圈,在家相夫教仔,估唔到相隔15年,鄔生仲有心有力,41歲嘅翁嘉穗再陀B生咗細仔!睇鄔生鄔太多年來感情好好,翁嘉穗喺中環同老公sweet拍拖,手上挽住兩個袋健步如飛,精神勁好,佢哋喺置地一路行一路密密斟,之後仲行入一間法國餐廳撐枱腳,話題多多!

翁嘉穗大仔 剛中學畢業

44歲翁嘉穗凍齡有術,原來大仔Jason已17歲大,Jason一向熱愛舉重,早前打破自己創下嘅三項香港健力紀錄,贏得香港舉重健力總會比賽嘅冠軍,日前就獲正式頒發證書同獎牌,翁嘉穗都有出席頒獎典禮,仲好開心咁話:「Proud of you!Officially received the championship in the award ceremony!」

Proud of you @jasonwuofficial! Officially received the championship in the award ceremony! #powerlifting#hongkingpowerlifting#ipf#champion#hongkongrecordholder#asiarecordholder#grit#passion#samsung2018#proudmom
Virginia Yung翁嘉穗(@kashuivirginia)分享的貼文 於 張貼

去年Jason以16歲之齡打破三項香港健力舉重紀錄,今年佢於第61屆體育節、香港健力錦標賽再創佳績,打破自己嘅三項香港紀錄,分別為為蹲舉220kg、硬舉225kg,以及總成績550kg,不過佢自己就覺得當時狀態並非最好,成績有待加強,但作為媽媽就當然好滿意啦!

17歲嘅Jason日日練舉重做健力士,難怪無論前睇定後睇都肌肉滿滿,非常健美!

Legsthetics.wu(@jasonwuofficial)分享的貼文 張貼

Legsthetics.wu(@jasonwuofficial)分享的貼文 張貼

為細仔搞生日P

大仔長大成人,翁嘉穗可以將全副心機擺落細仔度,佢三年前6月17日以41歲高齡產下細仔Kasper (鄔謨風),日前佢就為細仔提早舉行生日派對慶祝3歲生日,派對上以眾多卡通人物做主題,連蛋糕都準備咗兩個,一家四口一齊切蛋糕,認真溫馨!

My baby boy is turning 3! #proudmom#mybaby#myboy#cutiepie#cutebaby#babyparty
Virginia Yung翁嘉穗(@kashuivirginia)分享的貼文 於 張貼

雖然大仔Jason同細仔Kasper相差近15歲,但兩兄弟感情好好,喺派對上Jason仲陪Kasper玩「扑傻瓜」遊戲㖭!

越南晒三點式

早前翁嘉穗飛到越南度假,已經係兩子之母嘅佢,著起三點式騷胸又晒腿,依然勁有睇頭,佢仲大爆自己嘅凍齡秘訣,原來係要多做運動:「唔運動邊有quota食多啲!」

Enjoying the morning swim! #travelgram#instatravel#nomakeup#danang#唔運動邊有quota食多D
Virginia Yung翁嘉穗(@kashuivirginia)分享的貼文 於 張貼

The beach is so long! #sandybeach#sosoft#beacholiday#vacation#travelgram#instatravel#travelingram
Virginia Yung翁嘉穗(@kashuivirginia)分享的貼文 於 張貼

Virginia Yung翁嘉穗(@kashuivirginia)分享的貼文 張貼

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
翁嘉穗