鄭伊健

重溫51歲鄭伊健90年代靚相 瀟灑不羈25年!

最新娛聞

廣告

《古惑仔》五兄弟再度合體嘅電影《黃金兄弟》,口碑同票房理想!今次搵嚟男主角之一鄭伊健九十年代圖片、經典電影角色、寫真集靚相,畀大家同伊健fans細味欣賞!

撰文:東方新地|圖片:東方新地

重溫51歲鄭伊健90年代靚相

93年 陽光男孩

93年初26歲嘅鄭伊健已作歌影視三棲發展,依然以88年出道以嚟嘅短髮 look示人,短頭髮嘅伊健予人清爽健康充滿陽光氣息嘅感覺。

93年 因病留長髮

93年尾鄭伊健拍劇集《射鵰英雄傳之南帝北丐 》時因病休假,因懶打理令頭髮愈嚟愈長,伊健覺得幾好睇就 keep住留唔剪短,呢個長髮襯一身三件頭孭西裝動作,份外瀟灑有型。

94年 長髮旺事業

94年初鄭伊健憑第三張專輯《 On Stage 》大賣而爆紅,令伊健深信長髮為佢帶嚟好運兼有利事業,一留就留咗廿五年成為佢嘅標誌,相中嘅佢西裝褸鈕只扣一粒,放蕩又不羈。

95年 出首本寫真集

95年鄭伊健出版首本寫真集《 natural 》,由朱祖兒擔任美術總監,全書喺日本取景,充滿田園氣息,加上精

裝厚皮製作,相當揼本。

96年 演古惑仔爆紅

鄭伊健96年迎嚟事業大突破,憑改編漫畫嘅電影《古惑仔 》黑幫洪興銅鑼灣揸 fit人陳浩南一角爆紅,一身紋身有型有格、有情有義,成為伊健最經典代表作。

98年 《風雲》飄逸聶風

鄭伊健98健接演改編自馬榮成經典漫畫《風雲》,扮演英俊瀟灑、玉機臨風、剛正不阿嘅「風中次神」聶風,飄逸feel形神俱似,至今冇人能夠超越佢。

99年 《中華薇雄》華英雄

馬榮成經典漫畫《中華英雄》99年搬上大銀幕,搵嚟鄭伊健演繹命格天煞孤星嘅主角華英雄,片中一頭白髮,嗰份滄桑孤獨cool爆感比起何家勁版有過之而無不及。

熒幕情侶陳松伶

鄭伊健嘅最佳熒幕情侶絕對係陳松伶,91年至 95年間兩人合作了七部電視劇,大部分都係演情侶,成為當時最受歡迎熒幕情侶,睇番《92 鍾無艷 》嘅劇照,兩人相當合襯。

延伸閱讀:

生日願望漏風聲 鄭伊健 明年2月紅館開騷

在場有人大叫問佢有乜生日願望,伊健立即雙手接過蛋糕然後話:「生日願望,希望可以再上舞台啦﹗」全場大叫:「紅館﹗紅館﹗20場﹗」

在場有人問幾時,伊健話叫大家留意住微博、facebook同Istagram。之後伊健話︰「喺beautiful day裡面,最緊要朋黨,冇朋友係做唔到,多謝咁多位。」

聽到伊健叫大家留意佢嘅社交網,似乎正在籌劃之中喇喎,有傳聞指明年2月伊健會喺紅館開個人演唱會﹗相隔六年再喺紅館開騷,相信唔單止係伊健嘅生日願望,亦係好多人嘅願望嚟㗎﹗

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
鄭伊健