女網民兩首歌吹足幾個月 收鄰居來信：「可唔可以轉歌？」
廣告
或者你都聽過屋企人同你講：「幾十年前，家家戶戶都開晒門，大家好似一家人咁㗎！」而家就係個個長期閉門，可能連隔離屋姓咩都唔知，講大聲少少又驚畀隔離屋聽到，小朋友練鋼琴都要即刻閂門，廢事畀人投訴。而近日內地就有女網民分享自己喺屋企苦練樂器，就收到鄰居嘅一封信……
撰文：東方新地 ｜圖片：劇照
女網民兩首歌吹足幾個月 收鄰居來信：「可唔可以轉歌？」
話說該名喺屋企練習樂器嘅網民就分享咗一張相，相入面係隔離屋寄畀佢嘅信。信入面提到網民幾個月嚟只係吹奏《My heart will go on》同《天空之城》兩首歌，所以鄰居想提出兩個請求：「能否不要總是吹這兩首曲子？能否不要總是將Fa吹成#Fa？那樣實在有損聆聽您吹奏的音樂時的能受。」
唔單止咁，鄰居仲喺信中教埋網民正確吹奏音調，同時附上《my heart will go on》嘅五線譜同簡譜，希望網民對樂器嘅掌握更上一層樓喎！
其實呢位鄰居心地都唔錯，正常嘅人一定會覺得呢啲係嘈音而大吵大鬧，不過呢位鄰居仲糾正網民喎！算係咁啦！
關鍵詞
網民
