李悅彤

那些年曾當彭順小三 如今升呢做人妻!陀B李悅彤 開估BB性別…

最新娛聞

廣告

2014年當時仲係做緊o靚模嘅李悅彤(Liddy)介入導演彭順與李心潔的婚姻,但爆呢單新聞不久啟晴邨發生槍擊案,51歲吞槍自殺的槍手李德仁原來正是Liddy嘅父親,屋企發生巨變,令Liddy大受打擊,一度消失娛圈,直至前年復出幕前,但反應麻麻於是再度淡出幕前。

原來她已秘密結婚嫁圈外人,唔止開家品店做老闆娘,仲榮升幸福準媽媽,目前懷有九個多月身孕,陀緊B嘅Liddy近日喺社交網晒出大肚寫真,仲開估BB嘅性別㖭……

撰文:東方新地│ 圖片:李悅彤IG、新傳媒圖片

陀B李悅彤 開估BB性別…

淡出幕前嘅Liddy今年年初低調嫁圈外人,有指其丈夫是澳門富商,而Liddy為咗保護老公未有提及老公背景,婚禮也未有大肆舖張!她接受傳媒訪問透露,結婚當日都有行禮及擺酒,而婚後不久發現意外懷孕,但二人都喜歡小朋友,只是未想過一擊即中!

懷孕37周嘅Liddy卸貨在即,她日前在ig貼孕照及留言:「包子足月37週啦!隨時等待發動,迎接你的來臨!爸爸媽媽心情既期待又緊張,你要順利平安健康地出世~」

相中見Liddy着上透視喱士紗裙,透出巨肚!

其中一張相見Liddy老公拎住「Baby Boy」嘅牌,原來陀仔,恭喜晒!

另一張相仲大騷事業線。

曾當小三 偷戀人夫彭順導演

當年Liddy做o靚模出道,但2014年5月彭順被影到背太太李心潔於圓方與Liddy 密會,期間兩人肆無忌憚當眾拖手、啜嘴、搣胸、搭膊、攬腰乜都做齊,偷食斷正,彭順被網民鬧爆兼狂插係賤男。醜事曝光後,彭順即飛往馬來西亞箍煲,有傳心潔得悉事件後傷心痛哭!

獲李心潔原諒

最後彭順與心潔就事件一起作出回應,而心潔最終選擇原諒老公,兩人和好如初。而心潔更為老公誕下一對可愛孖仔,哥哥叫彭濟雲,弟弟則叫彭子然,一家四口樂也融融。

至於李悅彤原來她在單親家庭成長,跟媽媽生活,而當年被爆介入導演彭順婚姻,被全城鬧爆係小三,形象插水!而同一個月啟晴邨發生槍擊案,51歲吞槍自殺的槍手李德仁,原來正是Liddy嘅父親,屋企發生巨變,令她大受打擊,一度消失於幕前!

直至前年佢復出拍戲,但反應麻麻,Liddy再度消失幕前!

View this post on Instagram

14/11 7:00pm「獅子山下」

A post shared by 李悅彤 Liddy (@liddyli) on

拒再提當「小三」:每個人都有過去

不過今年佢踢爆原來已低調嫁人,Liddy接受傳媒訪問表示老公畀到好大信心佢才會結婚,又話相信有華人嘅地方都會知佢曾經當彭順「小三」一事,但每個人都有過去,不欲再舊事重提,只想好好地過生活,做好太太和媽媽嘅角色!

View this post on Instagram

七夕快樂!❤️

A post shared by 李悅彤 Liddy (@liddyli) on

Liddy話陀b過程辛苦,但都好享受呢個懷孕嘅經歷!

葵芳開舖賣家品

嫁得好老公,佢仲喺葵芳開設生活百貨店,腹大便便的Liddy落手落腳執貨,佢話雖然舖租高達10萬,但好有信心好快回本咁話!

延伸閱讀:

資深藝人岳華加國病逝 傳近年患病致體形消瘦

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!