jason1

【媽媽心聲】坐月被問「最無聊的問題」 陳柏宇太太:「泵奶、餵奶、氹訓覺」

歌手陳柏宇太太符曉薇(leanne)自從生咗囡囡Abigail之後,兩夫婦樂做新手爸媽,不時喺社交網上載湊女日常,日前符曉薇就喺社交網大嘆新手媽媽湊B心得。

原文:Sunday kiss | 圖片:陳柏宇IG、符曉薇IG|編輯:東方新地

陳柏宇太太 大嘆新手媽媽湊B心聲

日前符曉薇就喺社交網大嘆新手媽媽湊B心得。佢上載了一張同囡囡嘅合照,並留言話:「近排發現最無聊嘅問題,就係問我做緊乜。」

leanne接著解釋,「我每日每三個鐘餵奶,撞正佢心情好個餐,半個鐘可以攪得掂。撞正佢心情差個餐,起碼搞成個幾鐘,之後仲要每三個鐘泵奶,自己都冇乜時間做自己野。有時大小姐仲唔肯訓,扭計要抱(其實望到佢,已經想抱佢),唔好講話自己時間,去個廁所都唔得。不過早上有陪月幫手,可以訓多兩個鐘同痾篤屎,所以話陪月有幾重要!」

唔少網友都同Leanne講「要好好珍惜同享受照顧BB嘅過程」,另有網民大讚符曉薇係好媽媽:「湊B唔假手於人!」

關鍵詞
陳柏宇