陳奕迅

陳奕迅宣布周六演唱會免費直播 必知四大收看方法!

最新娛聞

廣告

陳奕迅(Eason)將於今個月 27 日假座中環摩天輪底空地舉行《L.O.V.E. is L.I.V.E.》慈善演唱會。Eason仲宣布演唱會將會透過4大途徑,進行免費直播!想睇Eason演唱會嘅你又點可以錯過呀!

撰文:東方新地|圖片:陳奕迅Facebook

陳奕迅宣布周六演唱會免費直播

據知,今次陳奕迅的露天音樂會觀眾約1600位,因音樂會以慈善為目的,故門票只會免費招待十數家慈善機構,主要對象則是基層家庭的青少年。

由於是次音樂會未有進行公開發售,所以Eason為咗令更多fans可以欣賞,Eason決定將演唱會現場直播!

據知,獲邀觀眾入場要憑QR Code核對姓名後才可入場,場內全為企位,不設劃位。整場音樂會將於「magic hour」晚上6時開始,預計至晚上8時結束。

必知四大收看方法

Eason為了報答一班fans的支持,將會安排4個不同渠道進行演唱會免費直播連結,如下:

  1. Eason Chan YouTube Channel
  2. 陳奕迅Eason Chan專頁
  3. my903.com商業電台專頁
  4. UM Webzine環球娛樂網誌專頁

想聽好歌的朋友們,今個星期六就記得留意啦!

延伸閱讀:

愛妻號啟航 陳奕迅陪徐濠縈潮玩水

事隔三年出新碟《L.O.V.E》、仲話係以廣東歌為主,咁大件事絕對係歌迷喜訊亦都令 Eason忙不停。計劃多、時間少,不過只要有心一樣抽到空陪愛妻。今個月24日,本刊記者在大埔野生捕獲 Eason陪老婆阿徐落水玩wakesurf,同行仲有wakesurf高手Kevin Boy親身教學,同陪住阿徐 一齊做初學者嘅閨密杜如風。

白皮豬與肯亞徐

是日中午時分,一行人已經從海中心回程上岸,分別沖身、換衫準備回家。原來呢個暑假娛樂圈個個潮玩wakesurf,阿徐又唔執輸跟風學埋一份,自稱BB班學得神心凌晨五點 就起身仲勤力過返工,難怪下午已經玩飽。平時日日跑步有肯亞徐之稱,阿徐黑黑實實身 型鋼條,同換衫時唔覺意露出肥肥白白又有個車胎嘅Eason形成強烈對比。睇得出,跑完一 轉宣傳,Eason近月應該係第一次落水陪老婆,白皮豬抓住夏天尾巴才趕得切曬一曬日 光。身形唔夠fit、滑水BB班又如何,最緊要有心陪老婆就得啦!

不嬲有鋪長跑癮,本來已經鋼條身形嘅阿徐 今個暑假再曬咗一身健康膚色,上岸時突然 少女心自己出手護住招牌ipad胸。

雖然近日Eason 終於聽老婆話決心減肥,算係瘦咗一個圈,不過全身仲係白雪雪肥騰騰,同志仍需努力呀!

兩公婆拍拖玩咗成朝,直到中午一點多終於玩 飽,齊齊換衫沖身出城醫肚。

今個暑假徐濠縈同閨密杜如風齊齊搵Kevin仔學 wakesurf,兩個都自稱BB班學員又自爆勤力過 返工。當日杜如風仲開機在IG直播,不過就有 默契鏡頭避開Eason。

玩完一個暑假身形清減不少,杜如風仍然自嘲太肥,竟然玩 wakesurf 玩到爆埋褲。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
陳奕迅