男子遊迪士尼拍打米奇頭 仲大聲反駁：「我打他又怎樣」

撰文：東方新地 ｜ 圖片：新傳媒圖片、微博、梨視頻

男子遊迪士尼拍打米奇頭 仲大聲反駁：「我打他又怎樣」

去過迪士尼嘅人都知道，不時有演員穿住各個卡通人物嘅衫，喺園內出巡等遊人可以同佢哋合照，不過上海迪士尼日前再傳出遊客傷人事件，有卡通人物被拍打！

事緣有內地網民喺微博聲稱與友人共赴上海迪士尼，途中見到米奇、米妮，本想上前合照，忽然有一個男子從老遠衝過去大力拍咗米奇頭一下，遭工作人員阻止！

遊人同工作人員叫佢唔好拍，男子身旁嘅女子表現尷尬想拉男士離開，但男伴堅持自己沒有錯，大聲以國語不停質問工作人員：「我怎麼不能打他頭﹐我打他又怎麼樣！」遊人話咁嘅行為係唔啱，仲話「米奇是我們的朋友！怎麼可以去打他！」

男子好激動手指指反駁工作人員！

園內工作人員解釋，園內吉祥物、卡通人物所配戴的頭套動輒7、8公斤重，忽然受外力衝擊，很容易造成頸椎受傷，希望遊客都能遵守「只看不動手」的文明規定。

唔少網友睇到短片都好嬲，話：「你戴上頭套我拍你試試」、「如果換做別人沒理由的拍你頭，我想你應該已經還手了吧！」

喺迪士尼都發生過同類事件，今年7月，Shelliemay出巡被男士大力拍打，扮演Shelliemay嘅演員痛到即時雙手按頭坐在地上，最後要由工作人員扶入休息室。

據知，該遊客當日被要求立即離開園期，而且未來半年也禁止再次入園內。