演唱會

騙徒用假帳戶賣演唱會門票 孫耀威:「6,000美金張飛一定有特別服務!」

最新娛聞

廣告

孫耀威(Eric)今年11月即將舉辦演唱會,售價為$230-$630不等,不過近日就疑似有騙徒假扮Eric,賣演唱會貴賓飛,索價6000美金!

撰文:東方新地|圖片:Instagram

騙徒開價6,000美金賣演唱會門票 孫耀威:「一定有特別服務!」

孫耀威即將舉行個人演唱會,最貴嘅飛都只係港幣630元。

Eric近日喺IG發文,指有人用假IG帳戶假扮佢,公然賣假飛,索價6,000美金,仲話除咗演唱會門票之外,更有免費度假旅遊同酒店預訂。

Eric就話,USD6,000一張飛仲包酒店,一定有「特別服務」喎!

騙徒仲好趕時間咁,係咁問幾時會畀錢。

Eric更加嬲爆指出騙徒連個姓都打錯,孫嘅英名係SUEN,而非SEUN。真係一個唔留神,隨時有人會信!

Eric之後都話唔相信自己演唱會門票可以賣成6,000美金,仲話應該唔會有人咁蠢,更表示會考慮「放蛇」。

騙徒開假專頁專呃基仔粉絲錢

歌手古巨基(基仔)喺網上發文指有人開咗個Facebook 用戶冒充佢:「今天收到朋友查問我是不是開了另一個FB account,發來的照片讓我笑了~我沒有讀過香港大學和香港中文大學,這個fb帳戶絕對不是我開的!查看該帳戶內容全都是把我的page轉發過去。嗯,特此想溫馨提示一下各位,以辨真偽。」有唔少網民都話中招!

過咗無幾耐,基仔又出Post,上載咗一張歌迷畀佢嘅截圖:「警告!!收到歌迷提供的cap圖,冒充我開Facebook account 的騙徒還以私信與我粉絲提出要求,叫我粉絲「代收包裹」,問我粉絲住址、姓名、電話號碼⋯⋯等。務請各位小心,以免被騙徒利用!!」

騙徒仲用中英文版本叫粉絲幫忙添!

不過眉精眼企嘅基仔同埋粉絲就緊係唔多信啦,一於齊齊舉報騙徒!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!