苟芸慧

嫁錫礦大王後人 苟芸慧收千萬家用

最新娛聞

廣告

苟芸慧上月於加拿大古堡與拍拖兩年的陸漢洋行禮,上周五(19日)再在上水雙魚河鄉村會所補辦童話式婚宴, 處女黨正式瓦解變為幸福人妻黨。幸福指數爆晒燈的苟芸慧終於守得雲開,有家底甚厚的錫礦大王後 人陸漢洋錫到燶,據知婚後唔憂做,收千萬家用印 印腳做少奶。

受老公錢財當然要替老公生B,苟芸慧豪言會生 夠四個,未生已經咁得寵,完成使命定必重重有賞。

撰文:東方新地 圖片:新傳媒圖片

嫁錫礦大王後人 苟芸慧收千萬家用

35歲的苟芸慧早年因甲狀腺出現問題而肥腫難分,被逼減產醫 病,令其演藝事業停滯不前,人生跌落谷底。直至兩年前戀上45歲的 陸漢洋,苟芸慧約滿無綫離巢,愛情與靚樣返晒嚟,今年2月更大晒三卡求婚鑽戒,宣布嫁得。

170萬求婚鑽戒

當日苟芸慧除了新婚 晒幸福,還大晒今年 2月 陸漢洋求婚時送的大大粒鑽戒, 鑽戒是 Tiffany & Co.的Tiffany Setting六爪 鑲嵌鑽石戒指,重三卡,約值170萬港幣。

富三代陸漢洋

上周五(19日)是陸漢洋與苟芸慧在上水雙魚河設宴的大日子,新郎哥陸漢洋先行出門口 向在場傳媒逐一派千元利是,新娘子苟芸慧隨後翹實老公幸福出場。

一對新人非常識做,應傳媒要求錫完又錫,盡顯恩愛,陸漢洋更錫住苟芸慧隻手唔肯放,氹得老婆心花怒放。

最初傾婚事時,陸漢洋不太贊成以童話故事做主題,但苟芸慧 表示他們的愛情故事就像公主與王子的相遇一樣,陸漢洋終於軟化 並樂意配合,為博老婆一笑,做野獸都冇所謂。據知情者透露:「唔好睇William(陸漢洋)外表似浪子,個底又有啲花,佢對苟姑娘真係好到不得了,籌備婚事乜都以老婆行先,想畀一個難忘回憶佢。由 於甲狀腺病有機會復發,所以苟姑娘唔可以太操勞,William 亦唔會 畀老婆再出嚟捱更抵夜,最多都係拍吓網劇出吓騷賺錢買花戴,想 佢專心做陸太享福,呢兩年苟姑娘成日跟住William 去賽車,有時都會幫手搞車會啲嘢,以後都會 夫唱婦隨。至於家用方面, EWilliam亦好疏爽,司機同車 任用、冇上限信用卡任碌,仲 會照顧埋老婆外家,過千萬家 用一定走唔甩。總之苟姑娘以 後就生活無憂,安心幫陸家傳 宗接代啦!」

浪子投公主所好

陸漢洋待苟芸慧如珠如寶,年初開始籌備幾乎環遊全球的世紀婚 禮,他們在歐洲、加拿大、韓國及香港等地,先後求婚、影結婚相、 註冊、行禮和擺酒,相信花費不菲。上周五(19日),在上水雙魚河鄉 村會所舉行以童話故事為主題的婚宴,早上在雙方長輩、親 友約80人見證下舉行簡單而隆 重 的 證 婚 儀 式, 隨 後 設 午 宴。到晚上苟芸慧換上《美女與 野獸》中貝兒公主的晚裝, 宴請200多名親友,陸漢洋更戴 上野獸頭套出場與苟芸慧共舞。

娶得美人歸的陸漢洋戴上野獸頭套出場扮野獸,與穿上黃色貝兒公主低胸晚 裝的苟芸慧在婚宴中上演真人版《美女與野獸》,重現戲中共舞的浪漫場 面,最後更跪地向苟芸慧獻花。好友關心妍則負責唱主題曲〈 Beauty and theBeast〉,一對新人敬酒答謝。

苟姑娘話因為自己姓苟,所以特意搵來九(苟)位姑娘做姊妹陪嫁,成員包括王君馨、李亞男、 伍詠薇、岑麗香、簡慕華、潘曉彤、梁嘉琪、倪晨曦同一位圈外朋友,位位都咁索!

上月生完二仔的鍾嘉欣身在加國未能回港 出席好姊妹婚宴,有心思地拍片唱英文情 歌送上祝賀,當晚在婚宴上公開播放,令 苟芸慧非常感動。

芸慧都嫁埋,處女黨終於全面瓦解,陀 七個月的李亞男直言 當姊妹不感到辛苦,更獲苟芸慧特別安排訂製平底鞋,笑言在肚 裡的 也感受到喜慶氣氛。

宴在上水雙魚河戶外草地舉行,陸漢洋與苟芸慧晚上宴請 200位親友到場同歡,婚 宴以「童話故事」為主題,並以陸漢洋的一級方程式戰車作為花車迎接新娘,更有大屏 幕播放一對新人的甜蜜婚照。

忙完工作忙生B

對於為陸家生B,苟芸慧自知孭重飛,婚宴當日她接受傳媒訪問時豪言 三 年 內 成 事 :「 想 生 四 個 , 順 其 自 然 啦 ! 」陸 漢 洋 則 笑 言 :「 生 B 唔 會 全 速 , 我 哋係玩耐力賽,各自都有心願,希望工作上完成先,工作排到農曆新年 後,婚後我亦要盡快投入賽車賽季,可能兩至三年後先生B。將來有小朋 友,我哋希望多花時間陪伴成長,唔想隨便交畀工人照顧,小朋友成長每個 時刻都好重要,所以唔想喺大家工作最忙嘅時候做呢件事。」

陸漢洋是「錫礦大王」陸佑後人,父親為香港公和建築創辦人陸孝佩,除 了是富三代,陸漢洋更是職業賽車手,10年展開其賽車手生涯,12年被選為 上海林寶堅尼的官方車手,亦是唯一一名中國 區的華人官方車手。他是首名華人車手獲邀參 加2016年「法國利曼24小時耐力賽 —短途世界 盃」,翌年在這項國際大賽世界50隊列強中躋 身前10名,亦成為首名奪得「洲際勒芒衝刺盃」 年度總冠軍的華人。經常為賽車周圍飛的陸漢 洋,去到邊都帶住老婆苟芸慧,生B 計劃應該唔使等三年咁耐囉!

顯赫世家

現年45歲的陸漢洋,是馬來西亞錫礦大王陸佑後人、父親陸 孝佩為公和建築創辦人,最威水係以55億天價承建中環匯豐總行工 程、媽媽Catherine 則為聖安娜餅店創辦人。

不過陸孝佩有元配夫人談坤元,陸 漢洋未出世,父母已經分手,其母帶著 陸漢洋遠走美國相依為命,與父親緣薄 的陸漢洋到20歲時才認祖歸宗,跟族譜 改名為陸恭和。即使如此,依然被陸家 當正二奶仔,陸孝佩去世時,連訃文都 只見正室兩個兒女,冇陸漢洋份。

芸慧話晒都係無綫曾經力捧的花旦,陸漢洋在圈中好友亦不少,當晚畀到賀的來賓包括胡杏兒夫婦、蔡一智夫婦、蔡一傑、馬德鐘及趙希洛等等, 就連高層樂易玲都有現身,卡士肯定勁 過陳展鵬大婚。

女友個個索

家族顯赫、身家豐厚、與娛圈中人關係密切是常識吧!早在 苟姑娘之前,陸漢洋幾任前度都係圈中人,仲個個都係索女。

 

04年 應采兒

初出道時應采兒緋聞 多多又夠野性,一度 同富三代陸漢洋行得 密,不過有傳當時被 陳冠希介入,導致分手收場!

09年 官恩娜

同吳卓羲分手後,官 恩娜曾經撻著陸漢 洋,相識無耐已經搬 埋上去男方會景閣豪 宅同居。不過戀情僅 維持一年,就打回原 形搬返紅磡平民酒店式公寓。

14年 張頌恩

陸漢洋同苟姑娘撻著 同時,有傳同拍拖三 年女友、無綫前主播 張頌恩仲未斷纜,陪 在身邊遊山玩水、出 席飯局同賽車的女伴 都係有翻版梁詠琪之 稱的張頌恩。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!