蕭正楠

蕭正楠拍外景主動請客萬歲 拎咗幾多錢出嚟?

最新娛聞

廣告

事業愛情兩得意,蕭正楠仲爭啲咩?咪爭個獎囉,視帝獎項連續五年提名都擦肩而過,係就係可惜啲,不過呢個男主角好識做,電視台唔揀佢啫,相信一班工作人員心目中一早當佢係最佳男一囉!

撰文:東方新地|圖片:東方新地

蕭正楠拍外景主動請客萬歲

話說蕭正楠前排同大隊crew去到鯉魚門為劇集《十二傳說》拍外景,現場除咗第二男主角張穎康外,女主角林夏薇、劉佩玥、蔣家旻等等全部都到齊。

拍外景,有大食大是常識,不過又唔係放飯、又唔係下午茶、亦都冇工作人員提議屈請客,蕭正楠竟然自己主動攞張五百蚊出嚟話要萬歲請飲嘢。

出完錢都未夠,睇住負責買嘢飲嘅工作人員一個人捧住大箱飲品由路邊行到石灘,幾十個幕前幕後工作人員喺現場,竟然又係得男主角蕭正楠一個一支箭標前幫手拎嘢,呢位當家小生真係大方又體貼冇架子!

亂入翠如Live放閃

蕭正楠唔只對劇組人員細心,對女友黃翠如亦非常體貼!話說翠如日前首次開Live,翠如一聲命令下,即使街坊look頭髮蓬鬆嘅蕭正楠都乖乖地喺鏡頭前同粉絲say hi,呢個男友認真唔話得!

蕭正楠成滿分男友4大原因

|生活離不開「魚」

作為藝人當然會不時飛到外地工作,蕭正楠之前要同曹永廉、胡定欣及姚子羚到外地拍攝《兄弟姊妹去旅行》,離開香港一段時間。

Edwin臨出發前更向網民呼籲:「記得幫我餵魚」,而「魚」就是黃翠如嘅花名,未出發就已經掛住女友,可想而知Edwin對翠如嘅思念係滔滔不絕!

就算只係啱啱飛到外地,但個心就依然留咗喺香港,喺IG不時留言「反而有少少思鄉病!我現在是面向香港嗎?」、「我要飛返香港」等,表現出急不及待回港嘅心情,當然原因亦只有一個,就是掛住女友黃翠如!

|常與女友大講情話

早前黃翠如37歲生日,翠如爆出兩人之間嘅親暱稱號,就是「蕭一」同「黃二」!就算男方名叫「蕭一」,聽落似係個老大,但就對黃翠如呢位「黃二」於生活上非常貼心。

二人不時就會喺個人社交網隔空留言,Edwin更唔介意喺廣大網民前大講情話,例如:「尋人啟事,好重酬!」、「whenever the fish are, that’s where we go.」等情深說話,氹得女友非常開心!

View this post on Instagram

橫店第十一日!尋人啟事,好重酬!

A post shared by Edwin Siu (@edwinsiu) on

View this post on Instagram

Wherever the fish are, that's where we go.

A post shared by Edwin Siu (@edwinsiu) on

|愛屋及烏

黃翠如屋企養咗一隻細細隻又好可愛嘅松鼠狗,叫黃小六。蕭正楠不但愛錫黃翠如,有時間亦會幫忙照顧小六,喺Edwin個IG度就不時會出現佢照顧小六及同小六玩嘅相。

Edwin曾經Post出與小六「一家三口」嘅合照,望落就儼如一對恩愛夫妻!

View this post on Instagram

黃楠六!!💛💙💚

A post shared by Edwin Siu (@edwinsiu) on

View this post on Instagram

你擋住我鏡頭啦 …. #小六 #人tea你又tea

A post shared by Edwin Siu (@edwinsiu) on

|經常稱讚女友

Edwin耐唔耐都會喺個人社交網留言大讚女友,女仔就當然鍾意俾人讚,特別係俾自己男朋友,所以翠如聽到自己男朋友讚自己就梗係會開心啦!

黃翠如37歲生日會

黃翠如37歲生日,男朋友蕭正楠就大搞咗一個全男班嘅生日會同女友翠如BB慶祝,包括曹永廉、楊潮凱、區永權、袁偉豪等都有到場為壽星女祝賀,認真夠哂熱鬧!

各位猛男仲大合唱咗首生日歌送俾壽星女,有男朋友同成班型男齊齊為自己唱歌,成功氹得翠如BB勁開心!

個個男士都落力為壽星女唱生日歌,絕對唔係兒戲了事!

蕭正楠送蘋果蛋糕

有咁多人同翠如BB慶祝生日,生日蛋糕又點止得一個呀?踏正12點,壽星女就捧出第一個生日蛋糕。其後,男友蕭正楠再捧出一個巨型蘋果蛋糕!

蕭正楠送嘅呢個巨型大蛋糕造型非常特別,猶如無重量限制咁掛喺樹上,唔講都唔知原來係一個真正食得嘅蛋糕!

蘋果樹蛋糕暗藏浪漫含意

不過原來蕭正楠之所以揀蘋果樹蛋糕,原來係源自於二人嘅定情劇《師奶Madam》,當時黃翠如於劇中飾演花蘋,而蕭正楠就飾演羅大樹。

因此,今次蕭正楠送心型大樹裡有一個大蘋果嘅生日蛋糕,明顯係想表達羅大樹一直深愛住花蘋!果然好有心思之餘,仲好浪漫!

黃翠如更喺個人社交網開心留言:「謝謝蕭一,為我準備了一個全男班的生日飯,一班男人的約會,總覺得我也是男人的一分子。謝謝各位俊男,祝黃二我生日快樂。」,睇嚟壽星女今年生日應該好難忘啦!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!