律師唔風光feature

【是咁的,法官閣下】做律師未必好風光 麥明詩:「可能得萬幾元一個月!」

有好多人嘅夢想可能係做老師、醫生同律師,總會覺得呢啲精英職業先代表成功,賺得多錢又有前途。無綫將於下星期一晚(29/10)播出嘅《是咁的,法官閣下》請嚟讀現實世界讀法律嘅麥明詩做其中一位演員,而YouTube亦上載咗一條「是咁的,律師未必好風光」嘅宣傳短片,就完全表現出做律師唔係我哋想像中咁美好……

撰文:東方新地|圖片:影片截圖

無綫新劇《是咁的,法官閣下》將於下星期一晚(29/10)播出,搵嚟王梓軒、黎振燁、林秀怡、林景程及麥明詩飾演新牌律師。

日前,無綫上載咗一段叫「是咁的,律師未必好風光」嘅宣傳短片,片段中,幾個新牌律師喺茶餐廳食飯,個個都大呻做律師有幾慘。有人話要通三日頂、接一個Case得$5000,一碟飯兩份分,仲要住劏房。嘩!咩做律師係咁嘅咩?