陳豪

古仔蕭定一重金招手!陳豪 為第四胎留無綫

賺錢湊仔都有心有力的陳豪,婚後三年抱三做咗兩子一女幸福人爸,但同老婆陳茵媺同樣熱愛大家 庭,仔女多多都唔拘,原來兩人已有共識再生第四胎。早前陳豪一家為住近仔女學校由大埔搬到港島南灣居住,慳番唔少湊仔女返學時間,為未來生多個B做足準備;原來明年初,陳豪便約滿無綫,近期更被古天樂、蕭定一重金搶人!

不過,無綫為留賺錢王亦不手軟,大幅加薪兼畀足自由度陳豪接外邊工作,好大機會打動穩陣派陳豪為仔女反離巢潮,甘願續約留低! 陳氏夫婦隨時Ready生多個,日前本刊更拍到 肚凸陳茵媺到中環秘睇醫生,唔知陳豪夫婦會 唔會好快有好消息公布呢!