馬國明

黃心穎話想早啲結婚?馬國明否認 仲爆女友想專注事業⋯

最新娛聞

廣告

早前黃心穎嘅三家姐黃心慧結婚,心穎親身飛去澳洲做姊妹兼送家姐出嫁,而男友馬國明都有出席婚禮,少不免被追問婚期,當時馬明以短訊回應傳媒話「未有耐…」,不過之後心穎接受訪問,透露有感爸爸近年身體欠佳,所以想快啲結婚,希望爸爸早日見到佢出嫁。

之不過,日前馬國明出席火鍋私房菜分店開幕禮時,再次否認有結婚嘅打算,仲爆女友想專注事業⋯⋯咦!同心穎嘅說法係兩個版本嚟喎,信邊個至真先?

撰文:東方新地 │ 圖片:新傳媒圖片、黃心穎IG

馬國明否認婚訊 仲爆女友想專注事業⋯

馬國明及羅霖出席火鍋分店開張活動,馬明坦言演員不可以做一世,不少藝人也有搞其他生意,有機會他都想偷師:「未想到做什麽,先儲錢,投資都要本錢。之前有同學邀請搞飲食生意,但當時拍幾套劇,太忙未成事,看之後有無機會入股。黎諾懿都開車房,這行很多人都有自己生意,我都很羨慕。」

最近他到澳洲參加黃心穎家姐的婚禮,被網民催婚,馬國明笑說:「去觀禮而已,這世界很細,心穎三家姐原來是我侄女的朋友,我做代表啫!」談到心穎早前說見爸爸近年身體不好,想快點結婚!但呢日馬國明回應此說法:「佢冇同我講過喎」之後補充又話:「我感覺她想繼續在事業上衝刺。」咦!同外間傳心穎恨嫁恨到出晒面係完全兩個版本!

馬明 拒絕秘婚

再問同心穎會唔會喺當地秘密簽紙結婚?馬國明稱一定不會,佢話覺得結婚係光明正大的事,一定會先跟大家講。至於被影到幫女友攞手袋?他表示不介意,他坦言心穎不喜歡男友為她拿手袋,只是咁啱要影相才幫忙攞一陣,又說:「我有時出街也會幫媽咪攞手袋,沒什麼所謂。」

44歲馬明向來畀人踏實孝順嘅感覺,而當日佢剛同心穎拍拖,佢都有講過拍拖、搵對象都以結婚為大前題,去年曾有傳心穎對馬明騎牛搵馬,暗地裡積極地向上流社會進發,專黐富二代!當時馬明講過:「唔結就分!」

黃心穎 飛澳洲送三家姐出嫁!

三家姐黃心慧(Shirely)前星期出嫁,早前黃心穎喺ig留言﹕「我親愛的三家姐明天要出嫁喇。。。莫名其妙有d緊張。」

大家姐心美當日亦喺ig story貼上四姊妹加埋媽咪嘅合照,心美話﹕「噚晚我細妹上頭,我啲眼淚不自覺係咁流。」

接新娘儀式,見大家姐黃心美穿上吊帶裙拎住兩封「黃」家利是,寫道﹕「我已經準備好細妹同妹夫斟茶俾我喇」

佢哋仲預備咗wasabi當牙膏,畀新郎哥同兄弟刷牙同飲烈酒。

一對新人揀喺戶外證婚,幸而天公造美當地今日好好天氣,藍天白雲加大草地,心慧都好開心!

IG片捕足到心穎嘅姊妹look,係粉紅色露肩裙,佢一直跟住家姐後面幫佢整理婚紗拖尾!

馬國明 居然咁回應婚期…

黃家就剩番心穎未婚,有傳媒問男友馬國明幾時娶心穎?佢以短訊表示﹕「未有耐…」仲加上5個笑到喊嘅emoji。

四姊妹都咁靚,佢哋各自高舉一、二、三、四嘅手勢,代表自己嘅排行,心穎仲超低胸出席晚宴!

晚上一對新人仲喺戶外空地放煙火,拍片嘅心穎咿嘩大叫好high,仲興奮過一對新人!

一對新人安排咗live band,二人仲大唱情歌,係安仔嘅《唯獨你是不可取替》!心穎留言話live band好正,睇嚟佢好鍾意西式婚禮,馬明識做啦!

 

臨結婚前,四姊妹在澳洲遊玩,仲暢飲一番,幾開心幾豪邁!

心穎雖然做姊妹穿低胸裙,但都玩得好開心,有片睇:

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!