《跳躍生命線》

《跳躍生命線》長腿張曦雯成焦點 原來為咗套劇仲特登……

最新娛聞

廣告

近期大台熱播劇集《跳躍生命線》成網民茶餘飯後話題之一,皆因劇情緊湊、案件吸引又感人,而劇中女主角張曦雯更成為焦點,皆因平日都係打機同做節目主持嘅佢,喺劇中大騷長腰纖腰,加上吸睛外表,真係好難唔留意佢!

撰文:東方新地|圖片:劇照

《跳躍生命線》長腿張曦雯成焦點 原來為咗套劇仲特登……

張曦雯(Kelly) 一向畀人高貴有氣質嘅感覺,相信大家最記得都係佢曾經主持明珠台節目《港生活.港享受》。

又曾經喺網上直播打機時驚得制爆粗,吸引大批網民之後欣賞佢打機時嘅真性情。

相信大家呢排有睇開《跳躍生命線》都會留意到Kelly嘅演出,喺劇中佢飾演一名外國回流嘅女生,一時做車房技工,一時做芭蕾舞教師,剛柔並重。

雖然Kelly戲份比起陳瀅同劉佩玥較少,不過Kelly喺劇中盡顯Fit爆身材,都得到唔少正面評價。

Kelly喺劇中需要揸電單車,所以之前返美國都有向親戚請教。雖然最後都無考到電單車牌,但係喺劇中著上皮褸加上啡金長髮都入型入格,相當有型!

Kelly為咗配合劇中形象,更加犧牲自己對耳仔!原來本來兩邊都各有耳環窿嘅佢,之後再喺右耳耳骨同耳門穿多幾個窿,而家一共有10個耳窿!真係唔講都留意唔到,可以見到Kelly對自己嘅角色都落咗力研究。

長腿女神張曦雯 呢7位男藝人先襯到佢?

|馬德鐘

馬神馬德鐘以前G4(要員保護組) 出身,身高185cm兼有健碩肌肉,雖然已經50歲不過keep得勁好完全冇走樣,每次演專業人士都係冇得輸!今次《跳躍生命線》中馬神與張曦雯對手戲相當多,不過馬神的身高當然唔會被女神比下去!

|王浩信

身高186cm的王浩信喺大台中「高人一等」,靚仔又有型更是出爐視帝,無論外型定演技都絕對襯得起張曦雯。嚟緊兩人會在劇集《解決師》中合作,每人期待!

|馬國明

「天然呆」馬國明身高183cm,樣貌、演技一樣掂,雖然話未攞過視帝,都絕對無損其TVB一線小生地位!馬明同張曦雯會在新劇《白色強人》中合作,齊齊演醫生,

|陳豪

TVB另一型佬陳豪,同馬明一樣身高183cm,演出經驗豐富,雖然同張曦雯相差接近20年,不過相信一樣襯!可惜兩人暫時未有機會在劇集合作。

|黎諾懿

「神之馬壯」黎諾懿憑《愛回家》彈起後,近年演出機會漸多,不少角色都有不俗發揮,早前喺《BB來了》飾演新手爸爸亦是大受好評!話說黎諾懿那些年貴為「奧運六星」之一,樣貌身材都有番咁上下,183cm高過大部分女星啦!

|袁文傑

由亞視轉投無綫的型男袁文傑,去年憑《不懂撒嬌的女人》中「游生」一角人氣急升,不過最厲害都係其188cm身高,喺街離遠都望到佢,仲要小心俾招牌撞親頭!台慶時袁文傑同兩位高妹陳敏之及陳貝兒一齊行紅地氈,輕鬆啦!

|周柏豪

型男周柏豪都唔使多介紹啦,182cm模特兒身高、健碩肌肉,仲係全香港最適合梳「比比鳥頭」的男人!柏豪近年開始參與TVB劇集演出,於《使徒行者2》及現時《再創世紀》都有不俗表現,期待佢會同高妹張曦雯合作!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!