林宣妤

華姐亞軍林宣妤 簽約後從未演出 成無綫2019年秘密武器?

最新娛聞

廣告

網民成日話無綫花旦近年買少見少,仲愈來愈少人睇電視,不過其實都有唔少有潛力女藝人等緊上位!除了今年力爭視后的李佳芯、漸漸上位的麥明詩、馮盈盈等外,仲有呢位外表極出眾、但簽約無綫後卻從未有演出的前華姐佳麗,就係被譽為史上最靚華姐亞軍的林宣妤!佢會唔會係2019年TVB最強秘密武器?

撰文:東方新地|圖片:新傳媒、Instagram

新一代花旦未得觀眾心?

大家都知TVB近年陷入花旦青黃不接的時期,所以除了力邀舊人回巢,就係瘋狂捧女藝人,特別係香港小姐出身的藝人,好似陳凱琳、蔡思貝、麥明詩及馮盈盈等都被上頭欽點力谷上位。但係出鏡機會多就唔代表觀眾喜歡,仲可能會有反效果?

 

另外,都唔係個個女藝人都全副心機喺大台搏殺,好似香香公主岑麗香咁,16年與圈外男友強強結婚,今年六月時宣布與無綫完成七年合約並不再續約,之後承認已跟王祖藍旗下經理人公司簽合約;而另一位前途無限的港姐冠軍陳凱琳亦是愛情大過天,今年八月與鄭嘉穎拉埋天窗,

華姐亞軍林宣妤 簽約後從未演出 成無綫2019年秘密武器?

雖然高質花旦買少見少,不過大家唔使擔心!因為兩位2017年國際中華小姐佳麗余思霆同林宣妤都已經係大台中人,余思霆最近都曝光率漸高,之前有份主持蕭正楠、曹永廉的《兄弟大茶飯》;而林宣妤就比較特別,其出眾外表絕唔比任何一位小花輸蝕,不過簽約至今從未有任何演出,可能有機會成為TVB 2019年的最強秘密武器?!

仙氣逼人賽前超級大熱林宣妤

1996年出世的林宣妤(Serene)今年只係22歲,來自馬來西亞霹靂州,於大學修讀食物及營養學系,另亦有擔任主持、代言及封面女郎等工作。林宣妤於Astro國際華裔小姐競選2016奪得冠軍、最上鏡小姐、全民女神三大奬項,在華姐決賽前已經係超級大熱,可惜最終只得亞軍!佢亦係繼楊秀惠後,第二個來自馬來西亞的華姐加入TVB大家庭。

林宣妤華姐決賽重溫:

吉隆坡美女

來自吉隆坡的林宣妤有着典型美女嘅大眼睛、白裏透紅肌膚加上一把飄逸長髮,身材修長、儀態萬千,甜笑時散發陣陣仙氣,如果真係有機會睇佢拍劇,小編一定晚晚開電視!(題外話,Serene啲廣東話都算講得幾好,拍劇應該聽得明!)

似Baby?似智孝?

當年有網民話林宣妤似Angelababy,又有人話佢似韓國女團少女時代成員允兒,而小編就覺得同韓國氣質女神宋智孝有幾分相似。似邊個就見仁見智啦,重點係似親都係靚女!

林宣妤同馮盈盈好老友㗎!

一位咁高質的靚女,簽約無綫後竟然從未有演出機會!唔通係TVB留作2019年的秘密武器?定林宣妤其實志不在此?

未拍劇先拍電影

林宣妤之前同羅仲謙拍過廣告,仲大讚對方靚仔!

另外睇番林宣妤幾年前的照片,雖然當時仍帶有幾分稚氣,不過已經係仙氣十足,天生麗質難自棄!


將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!