女神點只劉穎鏇？ 盤點8位歷屆索爆港姐亞軍
2016年港姐亞軍｜劉穎鏇迷倒觀眾
身高174cm的劉穎鏇在《3日2夜》與江嘉敏帶大家遊歷土耳其伊斯坦堡。節目中大家除了欣賞土耳其的特色景點之外，當然少不了留意兩位女神的互動！Tiffany在鏡頭前可愛真摯不造作，成功攻陷一班觀眾！
雖然冇以往大家最期待的浸溫泉環節，但Tiffany同江嘉敏去了享受土耳其浴，非常吸睛。靚女浸浴喎，一定好好睇啦！
劉穎鏇於1997年出生，喺2016年港姐競選奪取「亞軍」、「最上鏡小姐」及「現場最受歡迎佳麗獎」三個獎項，擁有青春無敵的甜美外貌加上174cm模特兒身材，兼有豐滿上圍，外在條件無得輸！當年都有唔少觀眾話佢比馮盈盈更值得攞冠軍！
2017年亞軍｜何依婷
2017年香港小姐冠軍由雷莊兒奪得，不過當時唔少觀眾就比較喜歡亞軍何依婷！有齊天使面孔加埋迷死人笑容，唔少網民都話唔明白點解佢去年會失落冠軍寶座，似乎都為佢輸咗俾雷莊兒而感到不值！
校花look迷死人
何依婷之前喺兒童節目《Think Big Family》中，著住校服扮學生妹，紅色外套灰裙子，又靚又pure！何依婷無論輕輕淺笑或哈哈大笑都係咁可愛迷人，仙氣隔住個mon都感覺到，難怪網民都不禁大讚佢絕對係校花！點解小編當年啲同學……
何依婷身材都係比較纖瘦，唔算話有豐滿上圍，不過勝在夠平均又皮膚白滑，甜爆靚樣搭夠！
2014年亞軍｜王卓淇
可能大家都唔係好記得，王卓淇係2014年香港小姐亞軍，當年冠軍係邵珮詩、季軍則為何艷娟。王卓淇當選後曾參演劇集，演的都是配角，但不時都大晒無敵長腿。約滿後佢離開無綫，投身做KOL，喺社交網站都不時分享靚相派福利，男網民們當然無任歡迎！
白滑長腿成標記
招牌長腿又白又滑，已成王卓淇的標記！
2018年亞軍｜鄧卓殷
2018年出爐港姐亞軍鄧卓殷(Amber)，與冠軍陳曉華(Hera)一樣靚女，不過就完全唔同Style，笑容可愛甜美、嬌滴滴就似一個鄰家女孩，Hera外表太女神高不可攀？Amber感覺就比較親切貼地啦！
2013年亞軍｜蔡思貝
蔡思貝曾到紐西蘭及德國留學，在2013年就讀德國海德堡大學民族學期間，趁暑假返港參選港姐，以5萬觀眾投票輸畀同屆的陳凱琳，屈居亞軍，而該屆季軍是劉佩玥。最終蔡思貝決定放棄學業簽約TVB，開始入行拍劇。
2012年亞軍｜黃心穎
2012年港姐亞軍黃心穎，因為「安心偷食」事件一鋪清袋，選港姐後加入TVB，加上與馬國明拍拖，事業本來平步青雲，曾是大台力捧花旦之一，可惜因為被傳媒踢爆偷食人夫許志安，令馬國明受傷害，之後幾乎消失於幕前！
近年有唔少人睇番轉頭，都話其實2012年呢屆港姐真係超高質，除了現時大受歡迎的小花黃心穎及朱千雪外，仲有「靚湯」湯洛雯、身材出眾的林泳淘、陳潔玲，以及袁偉豪前女友岑杏賢等。
2010年亞軍｜ 張秀文
已經嫁人盛傳等生B的張秀文係TVB咪神就無人不知，但大家仲記唔記得佢係2010年港姐亞軍？當年冠軍陳庭欣、季軍莊思明，三人現時都喺大台發展中。
一代「咪神」誕生
張秀文都加入大台一段日子，雖然唔算有咩代表作，不過勝在肯搏肯露，無論係出席活動、遊戲節目、做主持還是拍劇，都例必谷盡其34D導彈上圍，自此成為一代「咪神」！
2015年亞軍｜龐卓欣
2015年一屆港姐，雖然幾乎係「十優港姐」麥明詩由頭帶到尾，但當時仲有一位靚女同佢勢均力敵，就係最後的亞軍得主龐卓欣！同樣係名校出身、外國留學、家底豐厚，「既生瑜 何生亮」所以當年不時傳出佢同麥明詩不和的傳聞！
導彈胸大解放
龐卓欣本來就係身材有料之人，無大台制肘更加係鍾意著乜都得，早前佢同男友去美國參加音樂節，著住件白色喱士tube top晒火辣身材，4吋事業線一覽無遺！
音樂節片段中，龐卓欣不時跟隨音樂節拍扭動小蠻腰，一對導彈胸跟住擺動，真係睇到網民眼都凸埋！
既然有索爆身材，龐卓欣一啲都唔孤寒，不時都會喺社交網站分享性感相片，仲要唔噴血唔post，勁吸睛！
1983年亞軍最經典｜張曼玉
講到成就最傑出的港姐亞軍，點可以唔提張曼玉 – 1983年港姐亞軍兼最上鏡小姐？當年冠軍和季軍分別為楊雪儀、李月芙。相中可見19歲的張曼玉仲有少少baby fat，一把長黑髮夠晒鄰家女孩感覺，一件頭泳衣look好迷人！
張曼玉多年來拍過無數經典電影，更曾五奪金像獎最佳女主角，著實係香港最出色女演員之一！
張曼玉雖已年屆53，近年都較少公開露面，不過依然風韻猶存~
