鄭裕玲

農夫大爆Do姐辱罵過好多人! 鄭裕玲漏風聲:「我無鬧過XXX啊!」

最新娛聞

廣告

勁歌金曲獎鄭裕玲(Do姐)日前喺IG貼出一張同農夫嘅合照,唔通佢哋又喺大台開新節目?原來佢哋係一齊出席手機品牌活動呀!席間各人被問到使用手機嘅習慣,陸永就話Do姐有一個「壞習慣」,就係影完相會send晒俾全部人!

撰文:娛聞樂|圖片:Instagram | 編輯:東方新地

農夫大爆Do姐辱罵過好多人! 鄭裕玲漏風聲:「我無鬧過XXX啊!」

影完相send返俾人都有錯?Do姐好有手尾喎!好過有啲人成日影完大合照又唔send返俾人吖!陸永就話,「壞習慣」係指D姐會鬧爆收唔到相嘅人,仲要鬧得好嚴重添!點知Do姐就喺呢個時候自爆:「我冇鬧過馬國明呀!」做乜鬼拍後尾枕呀Do姐?

究竟係馬明係「科技盲」唔識收相,定係唔俾面Do姐先?咁就不得而知喇!不過Do姐就笑指自己拍《Do姐去shopping》時「教育」咗好多人,農夫笑住更正話係「辱駡」咗好多人!希望經Do姐嘅「教育」之下,大家影完相都識send返俾人,唔好自私睇啦!

Do姐、農夫、馬明一齊拍過《Do姐去Shopping》。

農夫即將喺旺角麥花臣開演唱會,Do姐話如果要工作就未必睇到,農夫更加話一定唔預Do姐做嘉賓!咁講嘢?會唔會嬲咗大家㗎?佢哋咁熟又冇乜所謂吖!都係講笑啫!

鄭裕玲極緊緻皮膚被指好恐佈

最近有網民開post,post咗張佘詩曼同鄭裕玲(Do姐)嘅合照,見到Do姐塊面愈嚟愈尖,話真係冇整過都冇人信,仲開post「Do姐塊面已經走火入魔」。

雖然好多人都話Do姐又拉過皮、打過針,疑似整唔少,依家搞成咁,好多網民見到都覺得驚,仲話依家Do姐好樣衰。有網民仲話覺得汪阿姐、家燕姐都仲好過Do姐,又話阿佘影到奇奇怪怪,先搞到Do姐咁嘅樣。

不過網民覺得佢哋應該P圖先會搞成咁,你知啦依家周街都美圖秀秀,真係要幾尖有幾尖。講真依家尖成咁,有網民話「真係愈嚟愈似MJ」。

不過好多網民都覺得Do姐好正,仲話「有邊個夠膽講當年冇J過DD姐」。

講真以前嘅Do姐真係幾省鏡嘅,俾啲圖大家睇吓啦!

不過依家就…見仁見智啦!

農夫出新歌篤中港人心 巴打:祝你哋入叱吒十大

人大咗,又要返工,又要照顧屋企,想約班老友出嚟吹吓水都難。約你,又話你要OT;約佢,又話佢已經有飯局,永遠都約唔齊人食飯。今次農夫出咗隻新歌「難得咁人齊」,簡直唱中我哋嘅心聲。

最底有片!

唔講咁多,啲歌詞好有意思,去圖先!

你 總有一班friend friend咗一世
嗰種關係 冇得取替
姊妹兄弟 你一吹雞
飛到天腳底 飛到邊都即刻仆到落嚟

從前 晚晚起碼見一面
仍然 懶理玩到幾多點
日後 日日難碰面
要知你喺邊 要睇你IG 有乜轉變

邊嗰call 工作多 借口更多
邊個已經冇點踢波 邊個要出街先要問過老婆
呢個啱啱生咗 嗰個張單返咗
我哋幾鬼生疏 約一次 已經費時
約多次 已經老年時

以前晚晚食飯都一齊 去到一個禮拜見一劑
再到一年見一面要約到下年年底
唔係早走 就甩底 敷衍老友 有乜為
要人齊 係咪要等到其中一個喪禮

可唔可以唔好揸車摸吓酒杯底
可唔可以麻煩你先生今晚先湊住個仔
不如放低個電話 認真傾吓計
OT冇問題 在座咁多位 等你出嚟
難得咁人齊 好姊妹仲有兄弟
今晚一於等睇逐個歸位

睇埋啲網民嘅留言先!

https://www.youtube.com/watch?v=X1cmGwMMQ2I

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!