何廣沛

三餐捱麵包 揭何廣沛六年辛酸路

運氣嘅嘢可遇不可求,嚟到自然會時來運轉, 在無綫六年的何廣沛,近日終於等到機會,憑台慶劇 《跳躍生命線》正直消防救護員成功彈出,搶晒劇中男 女主角風頭,被網民追捧為新一代男神。

上位睇落順風順水,其實30歲何廣沛捱過唔少辛酸,當年遭父母 反對入行做藝員,被父母經濟封鎖,因收入有限一日 三餐捱麵包,最慘係做足兩年大茄,才終於有機會孭 飛拍重頭劇《女人俱樂部》,又因經驗不足狂NG被導 演鬧爆,拍劇吃盡苦頭,捱足六年今日終於吐氣揚 眉,最有前途上位小生路,其實得來不易!

撰文:東方新地 圖片:新傳媒圖片

近日晚晚在無綫台慶劇《跳躍生命線》見到佢救人,演新紮正直消防 救護員入型入格的何廣沛,雖然外表童顏,但其實今年8月已過30歲,在無綫捱足六年先捱到今次做男二。

雖然父母反對入行做藝員,但何廣沛是孝順仔,一直同家人同住鰂魚涌,日前不用開 工,亦爭取時間陪媽咪家姐食飯行街。

人氣男神

何廣沛入行六年,近日在新劇《跳躍生命線》擔演男二,因為角色形象正直討好成功入屋,連同劇男一馬德鐘,都話睇好佢入圍候選今屆台慶 「最佳男主 角」,睇嚟何廣沛除咗人氣勁,人緣一樣唔差!