吳嘉龍

想結婚被嫌冇車冇樓?吳嘉龍 嬲爆爆現身⋯⋯

最新娛聞

廣告

明明拍拖五年,話過兩個都共同目標好快拉埋,因乜解究42歲吳嘉龍(Carl)同馬來西亞籍女友嘅婚事推完又推?多得佢老竇吳耀漢踢爆,原來新抱仔好乖,不過未來親家拜金,嫌Carl冇車又冇樓喎,唔怪得知Carl之前被問到婚事時欲言又止,話結婚原來唔係兩個人,係兩家人嘅事啦!婚事有啲阻滯,老竇抱不平仲寸爆未來親家拜金,睇怕都要補鑊,唔怪得吳嘉龍呢日現身乸口乸面啦⋯⋯

撰文:東方新地 | 圖片:新傳媒圖片

吳嘉龍被嫌冇車冇樓?

42歲嘅吳嘉龍之前出席公開活動透露自己到適婚年齡,開始認真考慮自己的人生大事﹕「我同女友拍咗拖5年,佢係馬來西亞籍嘅潮州人,不過喺香港生活。我哋兩個都想結婚,不過後來發現結婚其實係兩個家庭嘅事,所以需要多啲時間去溝通同籌備先得,慢慢嚟啦,或者出年囉。」談到父親吳耀漢,嘉龍笑謂﹕「我哋雖然唔係一齊住,但我成日都想約佢,點知發覺其實佢忙過我!」

吳嘉龍對感情事向來低調,鮮有提及女友,原來佢女友係馬來西亞籍,二人已經拍拖5年,仲有意拉埋天窗㖭!

吳耀漢寸爆未來親家貪錢:有條件未必揀你個女!

之不過,Carl話搞結婚至知呢回事係兩個家庭嘅事,需要啲時間溝通同籌備!不過佢嘅78歲爸爸吳耀漢日前現身電影拍攝工作時,被記者問到兒子的婚事時,佢大爆囝囝遭到女友家長嫌經濟能力並未達標,嫌佢冇車冇樓又冇錢。吳耀漢寸爆未來親家話:「佢哋等緊我個仔發達。每個媽媽都想自己個女搵到個有車有樓嘅,但有晒呢啲條件嘅話又未必會揀你個女啦!一係佢幫個女搵個好啲囉!」佢仲直言自己較西化,不急於要飲新抱茶!

兒子拒父幹

雖然對外家有意見,但佢就大讚未來新抱好乖,而且有中國人的傳統思想,但佢仲未見過未來親家。問到會否出錢幫兒子置業?佢話:「唔會,呢方面我同佢傾過。」對於兒子咁有骨氣,吳耀漢直言好感動!

吳嘉龍 好火過老豆

唔知仲結唔結得成婚,所以吳嘉龍呢排心情唔多靚都可以理解,早前一個人喺中環行街,無論打電話定去櫃員機攞錢,個樣嬲爆爆,仲好火過老豆吳耀漢,真係青出於藍。

行兩步記得要去櫃員機攞錢,吳嘉龍等候時,又係板起面口周圍望。

42歲仔啫,睇個電話都要離遠至睇到,唔通老花先兆?

雖然唔係一齊住,吳耀漢同個仔感情好好,不時同Carl見面食飯,吳耀漢仲話個仔好有骨氣,買樓拒絕老豆幫手㖭。

其實學似張家輝話齋,呢一刻冇,將來會有呢?Carl有型有款密密接戲,大製作電影《無雙》、《風林山火》套套都有份,睇好佢㗎!

其實吳耀漢同未來新抱關係應該不俗,之前本刊都拍得吳嘉龍不時帶女友約爸爸食飯!

食到咁上下,吳嘉龍同女友仲出門口煲煙密斟!

作為著名喜劇演員吳耀漢的兒子,吳嘉龍(Carl)遺傳都父親的演藝細胞,同樣醉心演戲工作。Carl嘅媽咪Susan是英國人,給予他很大的自由,「鬼仔」性格的Carl非常獨立,更是一名孝順仔。Carl早前同媽咪爸爸拍攝有線節目《帶阿媽去旅行》,去杜拜旅行,Carl認為自己的幽默感遺傳自爸爸,並坦言父親是他的人生榜樣,「我最欣賞佢永遠放家庭喺第一位,好多人覺得佢好搞笑,但私底下其實佢好嚴肅,佢會好直接表達意見,成日教我做個好人、開心嘅人。」

Carl也大讚母親:「佢係完美嘅媽媽,亦係一個好老婆!吳耀漢和Susan結婚近五十年,二人一直非常恩愛,形影不離,Carl佩服他們跨越半世紀的婚姻,Susan也希望兒子能像他們找到可以白頭到老的伴侶:「喺我心目中,佢係一個善良好男仔,我好愛佢,我好想佢可以搵到一個真正愛嘅人。」吳耀漢則坦言:「要維繫一段婚姻並唔簡單,佢嘅性格未必適合同一個女仔一生一世,要係好特別嘅女仔先可以頂得住佢。」

喜劇演員,有很多經典的電影,比如《靈幻先生》中的飾演江湖術士茅山明,《半斤八兩》、《五福星》系列,由麥浚龍執導的恐怖電影《殭屍》中飾演冬叔,給人留下了深刻的印象。

吳耀漢聯同其英籍太太Susan育有四子女,吳耀漢早年曾受心臟病困擾,幸好貼心的老婆Susan為了丈夫學煮中菜和煲湯,嚴密監控他的飲食,她早年曾在肥媽節目中透露:「我現在連鱷魚肉湯都識煲。」

平時吳嘉龍同爸爸真係好好感情,不時被本刊影到一齊食飯,呢日就兩仔爺孖住去上環飲涼茶。

背負星二代之名有壓力

談到兒子吳嘉龍有沒有因為父親令他在演藝圈發展造成壓力時,吳耀漢說:「我知道他或多或少都有點壓力,但我知道吳嘉龍想靠自己,不想我幫他。我也有向他提議過如果在演藝界發展不順,也大可從事其他行業,不過還是讓他自己決定吧。」結果熱愛演戲的兒子一直未有轉行!

03年入行的吳嘉龍最初做model出身,之後都有參演不少電影,不過都係做大配角《新警察故事》、《金雞SSS》、《破風》、《湄公河行動》,到近期新片《無雙》都有佢份!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

關鍵詞
吳耀漢