潛規則

索爆女藝人大爆入行潛規則 巴打:實係睇中佢大波!

娛樂圈女星入行有潛規則相信大家都有聽過,但係到底係真定假就無人證實過,不過最近就一位非常勇敢嘅女藝人發聲,大爆當年被前輩騷擾嘅經過!

編輯:東方新地|原文:環球膠報

台灣明星周婷婷爆娛樂圈潛規則

17歲啱啱踏入娛樂圈嘅周婷婷,第一次做女主角嗰陣一個劇組嘅大佬走嚟同佢講「知你第一次做女主角咩都唔識,唔緊要~我住2012房,夜晚有咩唔明過嚟搵我!」入世未深嘅佢咩都唔識~唔知呢個係暗示,只係覺得夜媽媽去異性房唔係咁好,所以就無去搵佢。

過咗幾日,呢位大佬親自去周婷婷房,周婷婷以為佢有咩工作通告要通知自己,於是就俾佢入房。點知佢一坐低就開始摸手摸腳,由腳開始摸摸到背,然後再解開婷婷個Bra扣,「我咪同你講過,你聽唔明我嘅意思?」呢個時候,周婷婷先恍然大悟,用各種理由客氣咁將對方趕走。