杜德偉

事隔30年再晒同杜德偉合照!張繼聰:佢完全冇變過

最新娛聞

廣告

娛樂圈有很多出名Keep得好的凍齡男星,杜德偉(Alex)就是其中一人!日前張繼聰在個人instagram上分享了兩張相片,一張是他與杜德偉30年前的合照,另一張則是最近與杜德偉的合照。相張合照相隔30年,眼見杜德偉幾乎完全沒有老過,令張繼聰也不禁驚嘆「Alex完全冇變過」!

原文:SundayKiss|圖片:張繼聰IG、杜德偉微博、新傅媒圖片|編輯:東方新地

張繼聰驚嘆:杜德偉完全冇變過

童星出身的張繼聰早在30年前有幸跟當時紅透半邊天的杜德偉合照,直至今時今日,張繼聰終於可以再跟這位「大哥哥」合照,他在instagram上分享相片,並留言:「1988,2017,2018終於等到今日依張相,我想扮返細個個樣不過好似失敗咗,Alex唔駛扮因為完全冇變過,好開心呀!thanks。」

另一張相片則是張繼聰兒子張膽去年與杜德偉的合照,張膽眼仔細細,跟30年前的童星爸爸餅印一樣!

有網民留言笑言雖然杜德偉的樣子相隔30年都沒有太大的改變,但張繼聰看起來就老了很多,更建議他要多做保養,才有潛力成為新一代的凍齡男星!

杜德偉2016年榮升爸爸

現年56歲的杜德偉於2016年榮升爸爸,太太李曉冰(Ice)為他誕下愛兒AJ(Alex Junior),當年他親自到醫院陪太太出院,期間與太太表現甜蜜,更難掩初為人父的興奮!雖然兒子現在只有2歲,不過杜德偉表示會與太太積極造人,希望三年抱兩!

在太太剛分娩完後,杜德偉親自接太太出院,兩公婆表現非常恩愛,但AJ就未有曝光。Ice上車後, 杜德偉留下接受訪問,他開心地表示同AJ「玩到忘晒形」,坦言望住兒子都未敢相信自己已經成為爸爸。但後來習慣地望著AJ,就發覺他是自己的迷你版,感到非常驕傲!

剛榮升爸爸的杜德偉在微博宣布喜訊︰「你終於來了,那種感受有如在第一個素未謀面,但卻是至親至愛的人,對你的外貌長相,有太多的想像,但我們終於見面了。」

出名愛妻號 每年都會買禮物氹老婆開心

杜德偉跟老婆Ice一向恩愛,臨近聖誕,杜德偉當然要買份禮物送給老婆!早年有狗仔隊拍到杜德偉一個人現身中環,在名牌店用了十分鐘極速買完禮物,記者上前問是否要送給太太,杜德偉就Sweet爆回答:「係呀!我哋每年會互送聖誕禮物,都係物輕情意重,你哋唔好話俾我老婆知!」

56歲杜德偉 爆肌舞媚男

出名身材fit爆的杜德偉完全不像一個已經56歲的男人,他曾經指自己保持年輕的方法非常簡單,就係不煙不酒、多菜少肉和少鹽少油,總之對身體不良的習慣全無。

再加上哥哥杜德智是一名專業健身教練,時刻督促他操fit自己,真是個不折不扣的美魔男。有傳杜德偉不時會催眠自己, 對著鏡子大叫「25!25!25!」,難道是譚校長教路?

大家眼中年過五十歲嘅男人會係點?人人都話中年發福,大肚腩、甩頭髮定火車軌盡現?不過凡事有例外,娛樂圈出名嘅美魔女眾多,但其實美魔男都有唔少,正所謂「男人一枝花,咪當我老花」,佢哋雖然全部都年過五十但一樣咁型魅力爆棚,而且成熟男人味唔係個個有,一般麻甩佬嘅定律絕對唔能夠用喺佢哋身上!小編找來以下呢7位娛圈美魔男,揭露他們的保養秘技,尤其最尾嗰位,眨吓眼63歲真係唔聲唔聲!

 

 

55歲鄭敬基 不老傳說

鄭敬基喺80年代憑住一首〈酒杯敲鋼琴〉瘋魔萬千少女,仲有喺劇集《卡拉屋企》、《烈火雄心》等入面嘅演出深入民心。佢早年移民加拿大,於2013年回流返港重投演藝事業,但最令人驚訝係現年52歲嘅佢竟然同1987出道嗰陣分別不大,保持一副帶稚氣嘅童顏,確係得天獨厚。

鄭敬基稱對飲食幾有研究,例如好多水果佢會連皮吃,勤飲各種抗氧化嘅果汁,例如紅菜頭汁、蕃茄汁等,可以幫助身體排清毒素。佢又話自己每晚都有護膚四部曲,洗面、爽膚水、眼霜同保濕,缺一不可。

56歲梁朝偉 電眼影帝

影帝級人馬偉仔出晒名識用對眼嚟做戲,一個微笑一個眼神足以殺死人,多年來都係以一副帶點沉鬱嘅俏臉瘋魔萬千影迷。重點係,佢個靚仔樣多年來都無乜變。佢話唔好以為男人唔使護膚,偉仔的秘訣係…

令偉仔成為美魔男的秘訣,原來他平均每日在面上花15分鐘時間,搽上保濕、控油或深層清潔產品,難怪每次偉仔現身都青靚白淨。而且偉仔熱衷於茶道,平時喜歡在家中歎茶,而茶入面的茶多酚正正有助肌膚抗老化。而且生活習慣亦都好重要,偉仔如非拍夜戲,會早睡早起,且保持心境愉快,生活開心咁人都會年輕啲。

56歲劉德華 永遠青春的民間特首

劉天王除咗型之外一向都俾人活力十足嘅感覺,可能都同佢日常生活有關。雖然貴為天王不過華仔嘅生活一切從簡,甚少見佢有咩負面新聞或者不良嗜好,而且佢對皮膚保養亦甚講究,保濕控油缺一不可,所以我哋先睇到肌膚保持緊致嘅劉華。

另一方面,華仔喺飲食方面特別講究,原來佢已經好多年無飲凍嘢,平時只係會飲溫水或者果汁,奶類產品幾乎完全唔會掂。另外為咗保持好身材,華仔平時食得好清淡,早餐食麥片同粥,午晚餐都係以蔬菜同魚類為主。

61歲呂良偉 仍是那個丁力

就算你唔識呂良偉,你都唔會唔識丁力啩,就誇張嘅係現年58歲嘅佢外表依然係同當年嘅丁力沒兩樣。都已經五十到尾嘅佢真係話佢四十歲都有人信,健美嘅body令佢無論着T-shirt定西裝都一樣咁好睇。

佢話就算拍戲幾攰都堅持每日做運動,平時不煙不酒,飲食清淡為主,而且只係食半飽就夠。佢話有健康嘅心境係保持年輕嘅不二法門,而且信佛多年嘅佢生活一向簡單,無咩壞習慣,可能真係相由心生都唔定。

59歲單立文 花樣潮叔

人稱豹哥嘅單立文除咗係知名演員,亦係香港其中一個最出色嘅低音結他手,而大家都應該知佢喺《賭俠》飾演大反派侯賽因,佢嘅一句「想偷我雞!?」直頭係深入民心。喺娛樂圈多年嘅佢今年已經59歲,不過企埋一班年輕美女身邊都完全唔似隔咗一代,加上佢成日戴住副粗黑框眼鏡勁有潮味,形象同中年阿叔完全扯唔上關係。

豹哥就成日話最緊要係保持心態開心同年輕,唔好成日記住自己幾多歲,又唔好成日覺得上咗年紀就唔做呢樣唔做嗰樣。佢又鍾意同年輕一代打成一片,唔當自己係長輩。連自己都呃埋,難怪豹哥外表年輕又有活力!

60歲苗僑偉 凍齡型佬

三哥苗僑偉縱橫娛樂圈同商界三十幾年,可以話係乜風浪都見過晒,佢嘅身材一直都係高佻健碩,雙目炯炯有神,無論27歲定57歲都係咁適合做一啲有型有款嘅正派角色。三哥平時最愛運動,同娛樂圈一班老友一齊踢波打golf,加上佢近年演出都係一年一劇左右,拍劇只為過戲癮唔為賺大錢,人都自然輕鬆啲。

三哥話自己好少會敷mask,更加唔會打botox,最多都係早晚搽cream保濕。同埋佢透露自己食得多冬蟲夏草,晚晚都瞓得勁好,自然就容光煥發!

63歲任達華 Work hard. Play hard.

出晒名好戲嘅華哥演出電影無數,原來不經不覺已經63歲,不過佢就保養得非常好,皺紋都唔多一條,真係完全無老態。佢幾乎每次出場都係咁man,加上佢一 向結實嘅身材,真係型過唔少後生仔。

華哥話佢飲食方面都不外乎少油少鹽,平時最鍾意食杜拜椰棗,不過就會食豬皮,貪佢夠多膠原蛋白!佢亦多做運動、經常健身。華哥話唔少上咗年紀嘅藝人都可能會做微調嘅整型手術,不過佢自己就崇尚自然美,仲話要有番少少皺紋先做到戲喎!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!