職場新人

呀媽一句打氣說話整喊職場新人 網民:係愛呀!

最近,有位職場新鮮人發文大呻自己啱啱踏入職場,但未搵到喜歡嘅工作之餘,依家打梗嘅嗰份工仲要好大壓力!不過,呢位絲打就萬萬都估唔到自己返返下工嘅時候,突然收到媽咪傳嚟嘅打氣訊息,令佢感動到喊出嚟!

撰文:東方新地|圖片:討論區截圖、新傳媒圖片庫

呀媽一句打氣說話整喊職場新人

話說近日有位樓主喺連登討論區以「頭先呀媽一句話 差啲喺office喊咗出嚟」為題發文,指自己上年畢業之後「返過兩份工」,現任職廣告界做了約一年,樓主話自己「由細到大數學唔叻」,一向較擅長創意方面,惟畢業後搵唔到相關工作,暫只可被逼「計數」,於是感到吃力不討好!

職場新人

職場新人

由於樓主話擔心如果突然轉工會影響份履歷,因而感到好大壓力!日日做住會令自己唔開心嘅工,樓主本身已經心情好難過,加上面對媽咪嘅關心就更加難以開口解釋,同時為免媽咪擔心自己,每次都只好同佢講「好多嘢就算講咗你都唔明」。