跳躍F4

原來仲有個成員!跳躍F4隨時會變成跳躍F5 呢位型男竟然會加入…

最新娛聞

廣告

因為《跳躍生命線》而出現嘅男團「跳躍F4」,係由救護四子何廣沛、羅天宇、郭子豪﹑張彥博組成,早前佢哋變裝拍咗條《無畏的肩膀》嘅MV,重現經典歌《流星雨》嘅畫面,睇到唔少人笑到肚痛!最近佢哋接受訪問時就話,呢個「男團」唔會因為套劇完結而消失,似乎同公司傾緊大計,仲話會有人加人添…

撰文:東方新地 | 圖片:劇照﹑影片截圖、郭子豪張彥博ig

《跳躍生命線》救護四子組「跳躍F4」

較早前,「See See TVB」Facebook專頁發布咗一條由「跳躍F4」主演嘅《無畏的肩膀》版MV,呢4位美男子就由何廣沛、郭子豪、張彥博及羅天宇組成,而佢哋嘅造型同MV仲要跟足當年台灣組合F4《流星雨》嘅MV!

佢哋4子cosplay得F4非常神似,連名都改埋作,包括有:周渝沛﹑言承宇﹑吳子豪﹑朱孝博。

4子在影片中重現經典歌《流星雨》嘅MV畫面,短短幾日,觀看次數已經超過50萬,好笑得嚟都獲得唔少人注意!

近日佢哋出席活動時就話,呢隊F4男團唔會隨住部劇大結局而消失的,仲透露公司度緊其他計劃,之後可能會有新成員同埋加埋其他元素。

郭子豪就話遲一陣子話唔定馬神馬德鐘都會加入,成為F5!如果成真,相信馬神都會吸引到唔少女性fans,事關馬神在劇中的演出完係係迷倒一班女士頭暈暈。

佢哋仲講笑話直情想以呢個男團身分,搞返個巡迴演唱會,相信有份睇嘅至少50幾萬fans都會想撲飛!咁fans大可以放心啦,呢隊「跳躍F4」一定會再有新作品同大家見面!仲要期待馬神的加入啊!

講到咁有信心,即刻回顧一下佢哋到底有幾爆笑。

重現經典《流星雨》MV畫面

本身外表文質彬彬嘅何廣沛,就扮演著同樣溫文嘅周渝民,就連身上的恤衫加背心都跟到十足十!

羅天宇就扮演言承旭,見到他身上嘅背心,加上忍唔住想笑出嚟嘅Chok爆動作,認真夠哂「旭」味!

至於眼大大嘅張彥博,就扮朱孝天,微捲嘅長髮加埋個笑容,睇落都幾靚女呀!咦!但佢應該係冇反串嗰喎!

而大隻仔郭子豪就扮吳健豪,配上一頭長直髮,全程仲要瞇住對眼,果然學足吳健豪!

長髮嘅郭子豪真係神似當年嘅吳建豪,皆因佢仲不斷咁揈頭髮,真係睇到人笑爆咀!

呢個MV雖然得短短分幾鐘,但尾段4位互相深情對望,除咗睇到小編笑到停唔到之外,仲好佩服佢哋可以忍住唔笑出嚟咁進行拍攝!

另外,成段片嘅最後更留有爆笑彩蛋,當中就有百厭嘅郭子豪把玩長髮!

睇嚟4位對於今次扮演「跳躍F4」都好享受,一睇佢哋私底下同大家分享嘅相就知有幾樂在其中啦!

吳建豪自爆 《流星花園》「美作」頭原來事出有因

講起青春偶像劇《流星花園》,大家除咗會留意劇中主角一段窮家女與富子弟嘅一段青澀愛情外,有個角色都係劇中非常搶眼,就係飾演美作嘅吳建豪!皆因佢當時嘅一頭到膊長偏中間分界嘅順直頭髮,比言承旭演道明寺嘅鳳梨頭更為搶眼,每次見到吳建豪,佢嘅一頭「秀髮」都隨之飄逸於空氣中,絕對係焦點之一!

吳建豪自爆做離子燙原因

近日,「美作」吳建豪喺社交網上分享當年拍攝點滴,更提到自己當時的負離子頭!佢自爆講到當年去做離子燙的原因:「其實事實是…..我不想早起弄妝髮……」噢!原來明星其實同小編呢啲打工仔一樣,都唔想特登早起洗頭化妝先出門口!大佬呀,要特登早起個人真係好赲呀!

吳建豪仲放咗一張當年嘅負離子造型相出嚟,相中寫住「可以多睡一個小時」睇到咁,小編我都心郁郁想去試下去做番個負離子,咁我每日就可以訓多一個鐘先起身番工啦!耶!

https://www.youtube.com/watch?v=GeQ7Bd9YEa0

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!