網民：乜原來佢已經成xx歲！ 細數娛樂圈9大童顏男神
撰文:東方新地 │圖片：微博、IG、電視劇照、Facebook
網民：乜原來佢已經××歲？ 細數娛樂圈9大童顏男神
關禮傑
關禮傑由1984年參演《新紥師兄》開始為人熟識，憑呢套劇集成功彈起後不時都擔任劇中要角，多年前的長篇劇《黃金十年》到近年嘅《殭》都有份參演，當中相信大家印象最深的，一定就是《叛逃》跨台跳躍一幕啦！而他在新劇《是咁的，法官閣下》也擔正演出，好多人都話佢外貌睇落依然年輕，keep得好好，大家又點會估到佢已經56歲呢？
1．謝霆鋒
現年38歲的謝霆鋒16歲已經出道，至今入行已經 22年，但臉上不留一點歲月的痕跡！小時候因為父母謝賢及狄波拉的關係經常曝光於人前的霆鋒，從出生至今都是不少人的話題，外界都大讚霆鋒無論外貌與性格都盡得雙親的優良基因，加上霆鋒一向非常注重護膚，所以直到現在仍然一副童顏的樣子亦不是沒有原因。
2．羅仲謙
34歲的羅仲謙出道已經被人封為「童顏巨乳」，小鮮肉的外貌卻帶著健美的身型，一脫衣大隻到令人嘩然！近年將重心放在內地的謙仔雖然工作忙碌，但仍盡量抽時間健身與陪伴愛妻楊怡，名符其實是個絕世好男人！
3．蕭正楠
近年成功打入公仔箱的蕭正楠其實是歌唱比賽出身，出道16年的他不知不覺已經41歲！回望Edwin多年前參加歌唱比賽剛入行的樣子，與現在拍攝TVB劇集的樣子相比，相差確實不大！加上現時與黃翠如熱戀的Edwin又有愛情的滋潤，看起來當然更加年輕！
4．曹永廉
曹永廉以歌手身份出道，更曾經得最受歡迎新人獎。入行四年後轉向電視圈發展，更憑《妙手仁心II》人氣急升！近年於《公公出宮》中的演出更深得民心，更憑劇中角色陳小鳳於《萬千星輝頒獎典禮2016》勇奪「最佳男配角」。睽違樂壇多年的阿廉近年亦與薛家燕、黎小田及湯寶如齊齊主持《流行經典50強》和《流行經典50年》，更偶爾於節目中大開金口。相信就算有留意阿廉演出嘅，都未必知道原來佢已經54歲啦。
樣生得靚就靠先天，保養方面就要靠後天，但要生到一副童顏咁就基因決定命運啦！
5．陳智燊
Jason不時都在IG post男友視角相片，不過驟眼睇落非常年輕，加埋個笑容簡直一百分，對於一班少女黎講非常bfable，完全估唔到佢原來已經40歲。依家Jason已經名草有主，2016年同宋熙年拉埋天窗，最近仲一齊生咗個好得意嘅BB仔添！
6．黃嘉樂
39歲的黃嘉家近年經常以鬍鬚仔造型示人，多咗陣佬味，不過嘉樂一剃返乾淨啲鬚就即刻勁童顏，相信要逆齡演出中學生嘅話都唔會難倒佢！不過呢位童顏男神亦早已上岸，同攝影師女友Samantha感情穩陣，搞到班女粉絲心都碎哂。
7．陳鍵鋒
近年以內地工作為主的陳鍵鋒不知不覺已經40歲，但唔講的話睇嚟真係冇人會相信！陳鍵鋒另一個鮮為人知的經歷就是初出道時曾經做過新城電台DJ，後來才加入TVB拍劇。約滿TVB後旋即轉戰內地，在古裝劇《美人心計》扮演劉恆一角令他成功打開內地知名道，更被被譽為「史上最帥皇帝」。在內地發展得有聲有色，相信要睇到陳鍵鋒重返香港拍劇應該很難啦。
8．苗僑偉
苗僑偉肯定是個公認的凍齡男神，已經60歲的他和太太戚美珍結婚三十多年，就連兩位小朋友也都已經二十幾歲，不過三哥睇落仍然相當後生！係唔少女士心目中的男神。
9 張彥博
大台劇《跳躍生命線》口碑同收視都唔錯，飾演救護員「雄姐」呂劍雄嘅張彥博，其實佢依家都38歲，不經不覺入行13年，只是他眼大大baby face，長得一副童顏相，令唔少人以為佢好細個，
原來佢哋中學時期都係喺小西灣衛理中學讀書，仲要兩人都咁童顏，實在難得！網民唔單止讚兩人keep得好！
張彥博有著一副天生的童顏，經常被派演學生哥嘅角色，觀眾又怎會想到他已經38歲呢！
睇番佢細個啲童年照，已經有對大眼，都幾靚仔可愛！
