透視

馮盈盈唔著底褲非第一人 真空透視女星仲有佢哋!

最新娛聞

廣告

早前TVB《萬千星輝賀台慶》馮盈盈一襲噴血透視裙成為全城熱話,盈盈條裙側邊睇落完全真空,性感程度令人嘩然,佢仲係史上第一個唔著底褲行紅地氈的藝人!不過講到透視性感,盈盈喺圈中絕對唔係第一人,仲有以下呢幾位靚女!到底邊個透視得最靚呢?

撰文:東方新地|圖片:東方新地、Instagram、Facebook

馮盈盈噴血透視裙 唔著底褲行紅地氈第一人

每年台慶,大家最關注都係一眾女星喺紅地氈上鬥靚鬥性感,而今年全場最性感就一定非馮盈盈莫屬,條裙側邊睇落完全真空,噴血程度冠絕眾女藝人!馮盈盈仲透露為咗美感同線條,連條底褲都除咗,堅係全真空!

原來係老友麥明詩提議…

FYY MMC又嚟料

大家都知馮盈盈及麥明詩呢兩位港姐冠軍言論夠晒出位,今日麥明詩就喺IG分享一張與盈盈的合照,相中可見兩人企到好埋幾乎係胸貼胸,麥明詩就留言講返當時的真實對白:「記者:企埋啲喇;fyy&mmc:哎呀頂住咗添」點夠你哋玩呀?

#我唔悶你都悶啦

同淘寶「小姐」服裝撞款?

其實馮盈盈之前都預告過台慶會隆重其事,條裙係由以色列運到港,仲係一個大品牌,「好多人爭呢條裙!」不過有網民就喺淘寶網發現咗類似款式的裙,介紹仲話係「酒店夜總會小姐工作服」……

Janice Man「半裸」現身金像獎

不過講到真空唔著底褲行紅地氈,相信唔少人都會諗起另一索女Janice Man(文詠珊)!2016年金像獎頒獎禮當晚,有份角逐最佳女配角的Janice Man身穿極性感黑色Versus Versace晚裝,大露背之餘亦露出整條美腿,右側睇幾乎係半裸咁滯!

越南模特兒更索?

JM條裙咁誇張,當時就有網民搵到一位越南模特兒Ngoc Trinh,佢曾經著過同一條晚裝裙,網民都大讚佢更索!因為相比起Ngoc Trinh的「有前有後」,Janice Man的瘦削身材似乎就比較輸蝕啦!

第二年玩透視誘惑

之後一年Janice Man亦有出席金像獎頒獎禮,透視誘惑索到爆,騷玉背晒長腿,不過比起前一年已經算多咗好多布啦!

周汶錡 仙氣名模盡騷身材

2014年「 時裝.視野時裝秀及頒獎禮」酒會活動上,名模周汶錡就曾穿上一條黑色抹胸裝短裙,右邊條子露肉的設計性感誘人,更顯得周汶錡身材出眾,加上名模獨有的高貴氣質,成個造型簡直一流!

金像獎真空出「股」惑

之後去到2017年金像獎,大會「最佳衣着」評審周汶錡以一襲華麗透視長裙真空現身,大晒美臀及長腿,仲有個超級大露背,無論正面、側面及背面都係咁吸睛!難怪當時記者都話佢應該將「最佳衣着」獎頒俾自己。雖然去到最後,周汶錡選出的得獎者係林嘉欣。

G.E.M. 鄧紫棋 突然變高妹

原來仲有佢!阿G.E.M.(鄧紫棋) 曾幾何時被視為「時裝車禍」,衣著品味外人真係難以理解,不過近年已經好番好多,G.E.M. 今年初出席內地歌唱節目時,著上一條黑色高衩貼身裙,裙款同上文三位靚女著的有幾分似,當時又係被指冇著底褲!

驚嚇毛毛蟲透視

延伸閱讀:

TVB女藝員台慶紅地氈鬥搶鏡

朱晨麗以一字膊閃片長裙登場,高貴大方!

陳煒以一身蕾絲超DEEP V紅色晚裝上陣,由頭透視到腳示人,夠哂搶鏡兼性感!

人妻王君馨同樣以Deep V上陣,晒弗到漏身材!

唐詩詠以寶藍色低胸晚裝現身,激罕谷胸上陣!

黃心穎唔行性感勁保守又封胸,不過勝在由頭銀到落腳,閃爆全場!

高海寧都一樣非常密實!

姚子羚大騷白滑玉背,好正呀!

胡定欣以透視仙氣造型配400萬首飾出場,相當搶鏡!

黃翠如以一字膊上陣,望落非常醒神!

黃智雯身穿白色Deep V露背晚裝出場,都好養眼!

靚湯則又靚又性感,谷胸勁搶鏡!

傅嘉莉以紅色超Deep V出場,同樣好「胸」狠!

人妻孫慧雪同樣以紅色晚裝現身,晒出巨胸,夠哂賞心悅目!

邵珮詩大晒八字波,雖然加咗層薄紗,但依然勁性感!

伍樂怡條事業線谷到上心口!

劉穎鏇著上性感透視晚裝現身,風騷大晒玉背!

劉佩玥都唔輸蝕,同樣騷出玉背,相當養眼!

「得罪造型師」系列

陳瀅著上低胸紫裙出擊,可惜望落毫無美感,身形因條裙個cutting問題而盡失!

雖然吳沚默騷腳都幾好睇,但可惜成條裙個感覺好似馬戲團表演者多啲!

至於蝦頭造型就更嚇人,成個look望落勁錯配,猶如大媽上身!

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!